Ерөнхий сайд Л.Оюун-Эрдэнэ Засгийн газрын хэрэг эрхлэхийн газрын даргаар ажиллаж байхдаа буюу 2019 онд Хэнтий аймгийн Бэрх суманд Кембриджийн хөтөлбөртэй дунд сургуулийг байгуулах санаачилгыг гаргаж, ажлыг нь эхлүүлж байсан.

Тэгвэл тус сургуулийг нээж үйл ажиллагааг нь жигдэрүүлжээ. Тус сургуульд зүүн гурван аймаг болон Улаанбаатараас хүүхдүүд суралцдаг бөгөөд амралт чөлөөт цагийн иж бүрэн хөтөлбөртэй, гар утасны хязгаарлалттай, олон улсын стандарт бүхий хөлбөмбөгийн талбайтай аж. Мөн тус сургуулийн дэргэд 300 ортой дотуур байрыг барьж байгаа юм. Ташрамд дурдахад, Хэнтий аймгийн Бэрх сум нь Ерөнхий сайд Л.Оюун-Эрдэнийн төрж, өссөн нутаг билээ.