Согтуурах, мансуурах донтой хүнд эрүүл мэнд, сэтгэц, нийгмийн тусламж үйлчилгээ үзүүлэх Донтолтын сэтгэц, нийгмийн сэргээн засах төвийг байгуулахаар Эрүүл мэндийн яам, Гэр бүл, хөдөлмөр, нийгэм хамгааллын яам, Нийслэлийн Гэмт хэргээс урьдчилан сэргийлэх ажлыг зохицуулах Салбар зөвлөл, Нийслэлийн Засаг даргын Тамгын газар, Нийслэлийн Эрүүл мэндийн газар болон холбогдох бусад байгууллагуудтай хамтран ажиллаж байна.

Энэхүү ажлын хүрээнд Ажлын албаны дарга Л.Нямгэрэл, Монгол Улсын Ерөнхийлөгчийн Эрүүл мэнд, нийгмийн бодлогын зөвлөх Б.Бадамцэцэг нар Налайх дүүргийн Эрүүл мэндийн төв, Баянзүрх дүүрэгт байрлах “Энэрэл” эмнэлгүүдийг түшиглэн Донтолтын сэтгэц, нийгмийн сэргээн засах төв байгуулах талаар удирдлагуудтай нь уулзаж, санал солилцож ажиллалаа.

Эх сурвалж: Гэмт хэргээс урьдчилан сэргийлэх ажлыг зохицуулах зөвлөл