Маргааш /2025.11.05/ 14.00 цагаас УИХ-ын чуулганы нэгдсэн хуралдаанаар УИХ-ын дэд даргыг сонгох, чөлөөлөх асуудлыг хэлэлцэхээр товлоод буй.
Иймд, өнөөдөр УИХ дахь АН-ын бүлэг ээлжит бусаар хуралдаж, Х.Булгантуяагийн асуудлыг хэлэлцэж байна.
УИХ дахь МАН-ын бүлэг энэ асуудлаар өнгөрсөн баасан гарагт хуралдсан. Х.Булгантуяаг УИХ-ын дэд даргаас чөлөөлж, Ж.Бат-Эрдэнийг дэвшүүлэхээр шийдвэрлэсэн.
Гэхдээ Ардчилсан намынхан УИХ-ын гишүүн Дэд даргаас нь чөлөөлөөд зогсохгүй, УИХ-ын гишүүнээс эгүүлэн татахыг шаардаж буй. Товчхондоо, Үндсэн хууль зөрчсөн хүн бүрэн эрхтэйгээ үлдэж болохгүй гэдэг байр суурийг илэрхийлсэн. ҮХЦ-ийн Их суудлын хуралдаанаар Ерөнхий сайд Г.Занданшатарыг огцруулсан УИХ-ын 95 дугаар тогтоолыг болон тухайн чуулганы хуралдааныг удирдсан УИХ-ын дэд дарга Х.Булгантуяаг "Үндсэн хуулийн холбогдох заалтуудыг зөрчсөн" гэж үзсэн билээ.
