Нийслэлд өдөрт дунджаар 1,100 гаруй нийтийн тээврийн автобус иргэдэд үйлчилдэг байна. Иргэдийг нийтийн тээврээр зорчих төлбөр болох 1,000 төгрөгийг төлж байгаа эсэхэд Нийтийн тээврийн бодлогын газраас хяналт тавьжээ.

Шалгалтын явцад хайрцагт бэлэн мөнгө дутуу хийх үйлдэл түгээмэл гарсан бөгөөд 100, 500 төгрөгийг бэлэн мөнгөний хайрцагт хийх тохиолдол цөөнгүй байж. Мөн картын үлдэгдэл хүрэлцэхгүй байх зөрчил нэг автобусанд дунджаар 7-8 удаа илэрсэн аж.

Хэрэв нийтийн тээврээр зорчихдоо 1000 төгрөг төлөөгүй тохиолдолд Зөрчлийн тухай хуулиар 10 нэгж буюу 10,000 төгрөгөөр торгоно. Улмаар хяналт шалгалтын хүрээнд төлбөрөө төлөөгүй иргэнд торгуулийн арга хэмжээ тооцож байгаа талаар Нийтийн тээврийн бодлогын газраас мэдээллээ. Цаашид тус шалгалтыг долоо хоногийн таван өдөрт зохион байгуулахаар болжээ.