УИХ-ын даргаар С.Бямбацогтыг томилох асуудлыг хэлэлцэж байсан чуулганы хуралдаанд УИХ дахь Ардчилсан намын бүлгийн хүсэлтээр нэг хоногийн завсарлага өглөө.
МАН-ын Удирдах зөвлөл өнөөдөр /2026.04.02/ үдээс өмнө Ерөнхий сайдын өрөөнд хуралдаж, С.Бямбацогтыг УИХ-ын даргад нэр дэвшүүлэх шийдвэр гаргасан байна. Үүний дараа МАН-ын бүлэг хуралдаж, түүнийг УИХ-ын даргад нэр дэвшүүлэхийг олонхийн саналаар дэмжсэн билээ. Үргэлжлүүлэн УИХ-ын чуулганы нэгдсэн хуралдаанаар уг асуудлыг хэлэлцэж эхэлсэн боловч УИХ дахь Ардчилсан намын бүлэг гурван хоногийн завсарлага авах хүсэлт гаргасан юм. УИХ дахь АН-ын бүлгийн дарга О.Цогтгэрэл “УИХ-ын даргын асуудлыг хэлэлцэхэд тодорхой хугацаа шаардлагатай” хэмээн тайлбарласан юм.
Харин УИХ-ын дэд дарга Ж.Бат-Эрдэнэ уг хүсэлтийг хэлэлцээд нэг хоногийн завсарлага олгох шийдвэр гаргасан байна. Иймд УИХ-ын даргаар С.Бямбацогтыг томилох асуудлыг маргаашийн чуулганы хуралдаанаар үргэлжлүүлэн хэлэлцэхээр боллоо.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!