Хүүхэд, гэр бүл хөгжил, хамгааллын ерөнхий газраас санаачилан Боловсролын ерөнхий газар, Цагдаагийн ерөнхий газартай хамтран Төв аймагт эцэг, эх, асран хамгаалагч, харгалзан дэмжигчдийн нэгдсэн хурлыг зохион байгууллаа.

Энэ хурлаар хүүхдийн эрх, хөгжил, хамгаалал, хүмүүжил төлөвшилд нөлөөлөх асуудлаар эцэг эх, асран хамгаалагчдын мэдлэг ойлголтыг нэмэгдүүлэх, санал бодлоо солилцох, харилцан суралцах боломжийг бүрдүүлэх замаар тэдний оролцоо, чадавхыг бэхжүүлэхийг зорьж байна.

Аймгийн Хүүхдийн төлөө зөвлөл, Гэмт хэргээс урьдчилан сэргийлэх ажлыг зохицуулах салбар зөвлөл, Боловсролын газар, Хүүхэд, гэр бүлийн хөгжил хамгааллын газар, ерөнхий боловсролын сургуулиудын хүүхэд хамгааллын баг, сумын хамтарсан баг, байгууллагын эцэг эхийн зөвлөл гээд хүүхдийн сайн сайхны төлөө орон нутаг бүх талаараа нэгдэж ажиллах үүрэгтэй.

Энэхүү арга хэмжээг аймгийн удирдлагууд тухайн аймгийнхаа Хүүхдийн төлөө зөвлөлийн гишүүний хувиар ХГБХХГ болон Цагдаагийн газар, Боловсролын газартайгаа хамтран бүх сум, багийнхаа эцэг, эхчүүдэд хүргэж, соён гэгээрүүлэх ажлыг тогтмол зохион байгуулахад анхаарч ажиллах юм.

Гэр бүлийнхээ төлөө цаг гарган хүрэлцэн ирсэн Төв аймгийн эцэг, эх, асран хамгаалагч нартаа баярлалаа.