Нигерийн хэт даврагч Боко Харам бүлэглэл зүүн хойд хэсэгт орших олон үндэстний цэргийн баазыг эзэлсэн тухай гэрчүүд мэдээлж байна. Борно мужийн Сенатын гишүүний ярьснаар хэт даврагчид өнгөрсөн бямба гаригт Бага хотын баазыг хяналтандаа авсан ажээ. Бага хотын барилгуудыг галдан шатааж, олон хүний аминд хүрсэн учир оршин суугчид нь хөрш зэргэлдээ Чад улс руу дүрвэн гарчээ.
    Боко Харам бүлэглэл залуу охид, хөвгүүдийг хулгайлж, тэсрэх бөмбөг дэлбэлэн ард иргэдийг айлган сүрдүүлэх явдал бараг хэвийн үзэгдэл болсон байна. Тиймээс энэ асуудлыг шийдвэрлэхэд Барууны цэргийн туслалцаа зайлшгүй шаардлагатай гэж Нигерийн эрх баригчид мэдэгдэв.