Цаг агаар дулаарч хаврын урь орж байгаатай холбоотойгоор томоохон голуудын мөс эрчимтэй хайлж, харз, тошин, мөс нимгэрэх, мөсөн дээгүүр ус урсах, мөс харлах зэрэг үзэгдэл идэвхжиж байгаа аж. Иймд мөс цөмрөхөөс урьдчилан сэргийлж, улсын чанартай гүүр гармаар гарахыг цаг уурчид анхааруулж байна. Төмөрбулаг, Чулуут Туул-Заамар, Бороо-Борнуур, Сэлэнгэ-Тосонцэнгэл, Сэлэнгэ, Ерөө, Хараа, Булган, Чулуут, Завхан, Идэр зэрэг голууд хайлж байгаа аж.  Иймд зам товчлох нэрийдлээр голоор зорчсон тохиолдолд мөс цөмрөх аюултайг албаны мэргэжилтнүүд хэлж байна.