“Гоёл-2014” наадмын “битүү морь” гэгдсэн загвар өмсөгч С.Ариунбилэг монголын 14 дэх топ моделиор тодорч, хэсэгтээ л шуугиан тариад амжсан адтай бүсгүй. Загварын ертөнцөд анх 13 настайдаа хөл тавьсан тэрбээр эцэг эхээс хоёулаа аж. Дунд сургуульд сурч байхдаа “Монголжингоо” тэмцээнд оролцож, тэргүүн байрт шалгарсан гоолиг охиныг гадаа тоглож явахад нь “Ганга гоёл” компанийн захирал Б.Дунгаамаа загвар өмсөгчийн дамжаанд бүртгүүлэхийг санал болгосон түүхтэй гэдэг.
Түүнээс хойш загварын тайзнаа алхаж, нэлээд хэдэн миссийн тэмцээнд оролцоод амжсан С.Ариунбилэг анагаах ухааны салбарт насаараа шахам ажиллаж буй аав ээжийнхээ мэргэжлийг өвлөн эмч болохоор шийдсэн аж. “Эцэг эхээс заяасан дүр төрхөө эрс өөрчлөн, гоо сайхны мэс заслын золиос болчихгүй бол энэ төрлийн хагалгааг үгүйсгэхгүй” хэмээн шийдэмгий нь аргагүй ярьсан тэрбээр өөрөө ч мөн хамраа өндөрлүүлжээ.
“Овжин охид” киноны гуравдугаар анги буюу “Эр буулгасан охид” кинонд Герман охины дүр бүтээж байсан топ бүсгүй маань нэгэн үе “Glamour” хамтлагт дуулж явсан бөгөөд дотны найз Т.Уранзул нь ээж болсноор уран бүтээлээ зогсоосон гэдэг. Харин одоо тэрбээр таван настай хөөрхөн охиноо хуучин нөхөртөө үлдээгээд шинэхэн амрагийнхаа хамт тансаг хауст амьдарч буй юм. Ингээд түүний анхны уран бүтээлийг уншигчиддаа сонирхуулъя.
Б.Содон
