Монголын сагсан бөмбөгийн шигшээ багийн тамирчин Т.Санчир Филиппин улсын мэргэжлийн лиг “PBA”-д тоглож байгаа. Түүнтэй гэрээ байгуулсан “Barangay Ginebra San Miguel Kings” баг нь 1979 онд байгуулагдсан, улсын лигт найман удаа түрүүлж байжээ. Тус багт Т.Санчираас гадна АНУ, Германы тус бүр нэг гадаад тоглогч байдаг юм байна.

Мөн Т.Санчир олон улсын интернэт нэвтэрхий толь болох “Википедия”-д бүртгэлтэй боллоо. Энэхүү “Википедия” нэвтэрхий толинд дэлхийн олны анхаарлыг татаж болох бүхий л төрлийн мэдээлэл багтсан байдаг. Ялангуяа дэлхийд алдартай хүмүүсийн бүх товч мэдээлэл, амжилт, түүхэн замналыг оруулсан байдаг билээ.

Ийнхүү Монгол улсын сагсан бөмбөгийн төлөөлөл Т.Санчирын мэдээлэл англи хэлээр “Википедия”-д байршиж байна. Олон улсын энэхүү нэвтэрхий толь нь дэлхийн олон хэл дээр, мөн Монгол хэл дээр ч байдаг бөгөөд манай зарим тамирчдын мэдээлэл ч орсон байдаг. Гэхдээ одоо орсон тамирчдын мэдээлэл Монгол хэл дээрх бол Т.Санчирын намтар, амжилт нь Монгол, Англиар гарсан. Мөн удахгүй Орос, Герман, Хятад, Япон, Солонгос зэрэг орны хэлээр гарах гэж байна.

Э.Гүнтөмөр

Эх сурвалж: MONGOLCOM.mn