Монгол Улсын Засгийн газар, Монголын Үндэсний Худалдаа Аж Үйлдвэрийн Танхим хамтран улс орныхоо нийгэм, эдийн засгийн хөгжилд жинтэй хувь нэмэр оруулж буй шилдэг 100 аж ахуйн нэгжийг шалгаруулан, өргөмжилдөг уламжлалтай. Арван дөрөв дэх жилдээ зохион байгуулагдсан энэхүү арга хэмжээний үеэр, Голомт банк Монгол Улсын ТОП-Банк гэсэн өргөмжлөлийг 12 дахь удаагаа хүртээд байна.
Өмнөх жилүүдэд энэхүү шалгаруулалтыг явуулахдаа компани, ААН-үүдээс материал хүлээн авч, нэгтгэн дүгнэдэг байсан бол энэ жилээс Сангийн яам, СЗХ, ҮСХ, МХЕГ, ТЕГ, ЭДЕГ, ГЕГ зэрэг байгууллагатай хамтарсан ажлын хэсэг байгуулан тодруулжээ.
Өөрөөр хэлбэл Монгол Улсын нийгэм эдийн засгийн ачааны хүндийг үүрч, ард түмний амьдралыг авч явдаг шилдэг 100 аж ахуйн нэгжийг засгийн газрын харьяа агентлагуудын албан ёсны судалгаагаанд үндэслэж шалгаруулсан нь жинхэнэ шударга шүүлт болсон юм.
Эдүгээ Монгол Улс гурван сая иргэн, 95 мянган аж ахуйн нэгж, 400 мянган малчин өрх, 50 мянган тариаланч нараасаа бүрдэж байгаа. Үүний дотроос топ-100 аж ахуйн нэгжийн борлуулалт 2014 онд 17 их наяд төгрөг байсан нь манай улсын ДНБ-ний 70-80 хувь юм.
Хэдийгээр өнгөрсөн жил зарим компанийн ашиг хасахтай гарсан ч ТОП-100 аж ахуйн нэгж улсад 2.5 их наяд төгрөгийн татвар төлж, улсын сангийн 30 хувийг бүрдүүлсэн байна. ТОП-100 аж ахуйн нэгжид 50 мянган иргэн ажиллаж байгаа юм.
Сайн сайхныг санхүүжүүлэгч Голомт банкны хувьд 1995 онд үүсгэн байгуулагдахдаа 436 сая төгрөгийн дүрмийн сантай байсан бол өнөөдөр Монгол Улсын ДНБ-ний дөрөвний нэгтэй дүйцэх хэмжээний буюу 4 их наяд төгрөгийн активтай, 2.2 их наяд төгрөгийн татан төвлөрүүлсэн хөрөнгө, 400 гаруй тэрбум төгрөгийн өөрийн хөрөнгөтэй болж, санхүүгийн хувьд улам хүчирхэгжиж, тогтвортой өсөлтийг үзүүлж ирлээ.
Голомт банк нь олон улсын төлбөрийн картын системийг Монголд анхлан нэвтрүүлсэн бөгөөд дэлхийн мэдээллийн технологийн дэвшилд тулгуурласан, шилдэг шинэлэг бүтээгдэхүүн үйлчилгээг тогтмол нэвтрүүлж ирсэн тул “АНХДАГЧ-БҮТЭЭГЧ” банк гэсэн алдрыг харилцагчдаасаа зүй ёсоор хүртсэн юм.
Учир нь Голомт банк Монгол Улсад анх удаа Мастеркарт, Visa картыг зах зээлд нэвтрүүлж, анхны интернэт банк, 24 цагийн банкны үйлчилгээ, мөнгөн гуйвуулгын Western Union үйлчилгээ, анхны ухаалаг утсанд суурилсан банкны аппликейшн болох Смарт банк, Өөртөө үйлчлэх банкны үйлчилгээг нэвтрүүлсэн гээд Монголын банк санхүүгийн хөгжлийг шинэ шатанд гаргасан анхдагч олон алхамыг хийгээд байна.
Өнгөрсөн онд Голомт банк нэр хүнд амжилтын илэрхийлэл болсон American Express карт болон дэлхийд мэдээллийн технологиор тэргүүлэгч Инфосис компанийн Финакл үндсэн бүртгэлийн системийг Монгол Улсад анх удаа нэвтрүүлээд байна.
Энэ бүх амжилт нь 20 жилийн турш бидэнтэй итгэл сэтгэлээрээ нэг байсан харилцагч та бүхний чин сэтгэлийн илэрхийлэл билээ. Эрхэм харилцагч танд баярлалаа.
Эх сурвалж www.wikimon.mn
