“Оюуны-Ундраа” группын “MNBC” нэртэй  кабелийн телевиз хэрэглэчдийг хохироож байна. Хамгийн анх хэрэглэчдээ 48 суваг үзэх гэрээ хийж сарын суурь хураамж нь 6000 төгрөг байсан. Гэтэл өнөөх 48 суваг нь 36 суваг болж гарах гарахгүй хоёрын хооронд байсаар сүүлдээ 24-хөн л суваг гардаг болж сарын суурь хураамж нь 7000 мянган төгрөг болсон. Хамгийн эгдүүцэл төрүүлж байгаа зүйл нь 24-хөн суваг гардаг байж сарын суурь хураамжаа 8000 төгрөг болгон нэмээд байгаа бөгөөд 5 сарын 1-ээс суваг нь дахин хасагдаж 15-хан сувагтай болох гэнэ. Энэ нь техник технологоо сайжруулж 100 сувагтай, хар төхөөрөмжтэй болсонтой нь холбоотой юм байх. Суваг нь хасагдах тусам сарын суурь хураамж нь нэмэгддэг яасан янзын тогтолцоо вэ.

 

Өнөөх шинэ хар төхөөрөмжийг шинэ хэрэглэгчид худалдан авахдаа 100 мянган төгрөгийн үнэтэй авах гэнэ. Харин хуучин хэрэглэгчид худалдан авахдаа 86 мянган төгрөгөөр авах бөгөөд зүгээр ч авчихгүй хуучин хүлээн авагч төхөөрөмжөө 20 мянган төгрөгөөр бодож буцаан олгоно гэж байгаа. Нарийндаа хатсан гэмээр энэ кабелийн суваг хуучин хэрэглэчиддээ сэтгэл ханамжтай үйлчилгээ үзүүлж байсан юм шиг ийм шаардлага тавь байгаа нь дэндүү “шир” нөхдүүд юмаа.

Эдний үйлчилгээ гэж авах юм юу ч байхгүй. Суваг нь үргэлж тасалдаж ” E41 No Signal” гэх цэнхэр бичгийг байнга л гаргадаг. За тэгээд кабелийн хугацаа дууслаа гэсэн бичиг, мессеж огт ирүүлэхгүй байж байнга л зарын шинжтэй мессеж илгээнэ. Таны кабелын хугацаа тэдэнд дуусна гээд мессеж ирүүлчихгүй юм байж таслах болохоороо шууд л тасалчихана. Өнөөх нь дандаа амралтын өдөр тасалж таарна. Ажлын 5 өдөр биш заавал гэртээ ая тухтайхан зурагт үзэж амрах үеээр кабел нь тасарчихана. Өнөөх 48 сувагтай гэж гэрээ хийж байсан “MNBC” он дамжин явсаар эцэстээ суурь хураамж нь нэмэгдэж суваг нь 15 болж хасагдах гэж.

Арай дэндүү гэмээр луйварчдад луйвардуулсан хэрэглэгчид өнөөдөр хэнд хандахаа мэдэхгүй хохироод үлдэх нь. Хуулийн дагуу гэрээ хэлэлцээр хийчээд ингээд хэрэглэгчдийг хохироож байгаа нь байж боломгүй санагдана.