МУГЖ С.Жавхлан, “Хамаг Монгол” төслийн багийнхантайгаа зүүн аймгуудад гарсан түймрийг унтраах ажилд гар бие оролцож байгаа билээ. Тэгвэл Өвөрмонголчууд ч бас элэг нэгтнүүддээ туслахаар шийдэж, "Тэнгэрлэг аян"-ыг эхлүүлжээ. Тэд эхний ээлжинд Дорнод аймгийн Баян-Уул суманд түймэр унтрааж байгаа дуучин С.Жавхлан болон онцгой байдлын албан хаагчдад утааны баг илгээсэн байна. Энэ талаар С.Жавхлангийн гэргий дуучин Г.Эрдэнэчимэг өөрийн цахим хуудаснаа “Өвөрмонголоос Хамаг Монгол төслийн багийнханд утаанаас хамгаалах баг илгээснийг хүлээж авлаа. Халуун сэтгэлт ахан дүүсдээ гялайлаа” хэмээн бичсэн байна.