“Зууны тулаан”-ы гол дүр Флойд Мэйвидер, Мэнни Пакьяо нар дахин рингэнд гарах уу гэсэн асуулт цахим ертөнц болон хэвлэл мэдээллийн хуудсуудаар бичигдэж эхэллээ. Хоёр боксчны тоглолт багагүй шүүмжлэл дагуулсан тул Мэйвидер дахин Мэннитэй хүч үзэхэд бэлэн гэж төрсөн дүүгээрээ дамжуулан мэдэгдсэн гэнэ. Энэ хоёр боксчны тоглолт өнгөрсөн бямба гарагт явагдаж Флойдын ялалтаар өндөрлөсөн билээ. Хэдийгээр Мэнни Пакьяо довтолж тоглосон ч Флойд Мэйвидер хамгаалж, өрсөлдөгчөөсөө илүү оноо аван 12 раундын дараа ялалт байгуулсан юм. Тэгвэл нийгмийн сүлжээнд Мэнниг ялах байсан гэх хандлага давамгайлж байгаагаас Флойд Мэйвидер дахин тоглоход буруудах зүйлгүй гэж мэдэгдсэн байна. Мэннигийн туслах ч тулааныг дахин зарлавал татгалзахгүй гэжээ.

Т.Бат

Эх сурвалж: Time.mn