“Татвар төлөх нь үнэн, үхэх нь бас үнэн” гэдэг хатуу үг  бий. Энэ нь үндсэндээ  хүн төрөлхтөний  амьдарлын “дүрэм” гэлтэй. Хэрвээ татвар төлөхгүй бол ялтай.  Үүнийг манайд эрүүгийн хуулиар зохицуулсан байдаг. Харамсалтай нь татвараа шударгаар төлдөг нь тун цөөн. 2012 оноос хойш өнөөдрийг хүртэл цагдаагийн байгууллагад татвар төлөхөөс зайлсхийсэн 254 хэрэг бүртгэгджээ. Эдгээрийн  107 хэрэгт  прокуророос  яллах дүгнэлт гарган шүүх рүү шилжүүлсэн байна. Мөн 90 гаруй хэргийг  хэрэгсэхгүй болгуулахаар прокурорт өгөөд байгаа аж. Одоо 548 аж ахуйн нэгжтэй холбоотой 29 хэрэг шалгагдаж байна. Ийм хэргийн улмаас ойролцоогоор 62  тэрбум төгрөгийн хохирол учирсан гэдэг тооцоо гарчээ. Үүнээс 18 тэрбумыг буцаан төлүүлжээ. Нэмэгдсэн өртгийн албан татвар төлөхөөс зайлсхийж, хуурамч падан бүрдүүлдэг бүлэглэл ч бий. Тэдний хэргийн улмаас хөрөнгийг нь битүүмжилсэн аж ахуйн нэгж бас цөөнгүй. Одоогоор 234 сая төгрөгийн хөрөнгийг битүүмжилжээ.

Б.Баяр 

Эх сурвалж: Tumen.mn