Суудлын автомашины тээшнээс эмэгтэй хүний цогцос олдсон болон  гэмт  хэргийн сэжигтэнг   баривчлан саатуулсан  талаар бид урьд нь мэдээлсэн юм. Тэгвэл цагдаагийн ажилтнууд өнгөрсөн  өдрүүдэд шуурхай ажиллаж, энэ гэмт хэргийн жинхэнэ эзэн, хэрэг үйлдсэн  шалтгаан нөхцөлийг олж тогтоосон байна. Сонгинохайран дүүргийн 26 дугаар хорооны нутаг дэвсгэрт болсон уг хэргийг Ганням гэдэг залуу үйлджээ. Тэрбээр Төв аймгийн Угтаалцайдам сумын харъяат аж.   “Тоёота приус” машины хаалга зэрэгт үлдээсэн хурууны хээгээр нь цагдаа нар түүнийг талийгаач “Б”-гийн амийг хөнөөсөн этгээд мөн гэж үзсэн байна. Ганням нь хэдэн жилийн өмнө өөрийн нутгийн, үетэнгийн бүсгүй “Б”-тэй гэр бүл болжээ. Тэд гурван настай нэг хүүхэдтэй  юм байна. Ганням цагдаад өгсөн анхны мэдүүлэгтээ  “Би эхнэртэйгээ муудалцаад...тэгээд  хоолойг нь боож...ухаан алдахаар нь сэрээх гээд чадаагүй...” гэсэн товч тайлбар өгчээ. Ингэж  тэр эхнэрээ хөнөөгөөд  машиныхаа тээшинд хийж, өөрөө Төв аймгийн Жаргалант сумаар дамжин Угтаалцайдам сумандаа  очоод удалгүй цагдаа нарт  баривчлагдсан байна. Тэр үйлдсэн  хэргээ  хүлээжээ.

Б.Баяр 

Эх сурвалж: Tumen.mn