үзэгчийн суудалтай гар бөмбөгийн “Aspire” спорт цогцолборт үргэлжилж байна.
Энэ тэмцээнд Арабын Бүгд Найрамдах Эмират улс, Афганистан, БНАСАУ, БНСУ, БНХАУ, Вьетнам, Ирак, Иран, Казахстан, Катар, Киргиз, Монгол, Пакистан, Сингапур, Сири, Тажик, Тайвань, Тайланд, Туркмен, Узбек, Шри-Ланк, Энэтхэг, Япон зэрэг 23 орны 110 бөх хүч сорьж байна. 

Тэмцээний хоёр дахь өдөр эрэгтэй 61, 70, 74, 97 кг, эмэгтэй 48 кг-ын жингүүдийн барилдаан болж манай 4 бөх дэвжээнд гарснаас 61 кг-ын жинд зодоглосон олон улсын хэмжээний мастер С.Батболд хүрэл медаль хүртэж азийн аварга шалгаруулах тэмцээний хошой хүрэл медальт бөх болов. 
Эрэгтэй чөлөөт бөхийн тэмцээн дуусаж ираны бөхчүүд 4, Иран, Киргиз, Монгол, Узбекийн бөхчүүд тус бүр 1 алтан медаль хүртэв.

Өнөөдөр эмэгтэй чөлөөт бөхийн 53, 55, 60, 63, 69 кг-ын жингүүдийн барилдаан болно. 
53 кг-ын жинд олон улсын хэмжээний мастер Э.Даваачимэг нэгдүгээр тойрогт хийлж хоёрдугаар тойрогт японы бөх Нанами Ириетэй, 55 кг-ын жинд олон улсын хэмжээний мастер П,Орхон нэгдүгээр тойрогт хийлж хоёрдугаар тойрогт хятадын бөх Хуи Литэй, 63 кг-ын жинд олон улсын хэмжээний мастер Ц.Энхбаяр нэгдүгээр тойрогт хятадын бөх Зхоу Ма Хулиотой, 69 кг-ын жинд олон улсын хэмжээний мастер Ш.Түмэнцэцэг нэгдүгээр тойрогт хятадын бөх Фенг Зхоутой таарчээ. 60 кг-ын жинд Гавьяат тамирчин Т.Мөнхтуяа 5 бөх байгаа учир тойргийн журмаар барилдана. 

Эрэгтэй
61 кг 1. Даулет Ниябеков /Казахстан, ДАШТ-ний хүрэл медальт/
2. Масуд Эсмайл Поур /Иран, азийн аварга/
3. Батболдын Номин /”Гацуурт-Олимп” клуб/
3. Масаказу Камои /Япон/

Энэ жинд 15 бөх өрсөлдсөнөөс манай бөх Б.Номин нэгдүгээр тойрогт пакистаны бөх Рамил Реженовыг 4:2, хоёрдугаар тойрогт Ардчилсан Солонгосын бөх Кук Гванг Кимийг 11:8 онооны харьцаагаар дараалан хожиж мөнгөн медалийн төлөө казахстаны бөх, ДАШТ-ний хүрэл медальт Дуалет Ниябековтой барилдаж 10:15 онооны харьцаагаар өвдөг шороодож хүрэл медалийн төлөө киргизийн бөх Адилет Маматовтой өрсөлдөж 6:6 онооны харьцаагаар ялжээ. 

70 кг 1. Бекзод Абдурахманов /Узбек/
2. Зелимхан Юсупов /Тажик/
3. Такафуми Кожима /Япон/
3. Э.Довдурбек Уулу /Киргиз/
5. Гантулгын Идэрхүү /”Гацуурт-Олимп” клуб/

Энэ жинд 15 бөх өрсөлдсөнөөс олон улсын хэмжээний мастер Г.Идэрхүү нэгдүгээр тойрогт Өмнөд Солонгосын бөх Юнг Хо Жингтэй таарч 9:2 онооны харьцаагаар хожиж хоёрдугаар тойрогт афганистаны бөх Ахмади Бабажаныг цэвэр ялж мөнгөн медалийн төлөө дагестан гаралтай тажикийн бөх Зелимхан Юсуповтой өрсөлдөж онооны харьцаагаар дийлдэж хүрэл медалийн төлөө киргизийн бөх Э.Довдурбек Уулутай барилдаж 1:12 онооны харьцаагаар хожигджээ. 

74 кг 1. Пейман Ярахмади /Иран/
2. Дайсүке Шимада /Япон/
3. Марсингх Панчам Ядав /Энэтхэг/
3. Рашид Курбанов /Узбек/
97 кг 1. Мохаммад Хоссейн Махаммадиан /Иран/
2. Магомед Мусаев /Киргиз/
3. Такаши Ямагучи /Япон/
3. Жаеганг Ким /БНСУ/
8. Цэрэнбаатарын Цогтбаяр /Азийн аварга шалгаруулах 
тэмцээний алт, мөнгөн медальт/

Энэ жинд 12 бөх өрсөлдсөнөөс Гавьяат тамирчин Ц.Цогбаяр нэгдүгээр тойрогт тажикийн бөх Рустам Искандертай таарч 4:14 онооны харьцаагаар дийлджээ.

Багийн дүн
Нэгдүгээр байр Иран, 68 оноо
Хоёрдугаар байр Япон, 60 оноо
Гуравдугаар байр Киргиз, 54 оноо
Дөрөвдүгээр байр Монгол, 45 оноо

Эмэгтэй
48 кг 1. Юки Ирие /Япон/
2. Винеш Винеш /Энэтхэг/
3. Татьяна Аманжол /Казахстан, азийн 3 удаагийн аварга/
3. Хеон Геонг Ким /БНАСАУ/
5. Цогтбаатарын Бямбазаяа /”Алдар” спорт хороо/

Энэ жинд 10 бөх өрсөлдсөнөөс олон улсын хэмжээний мастер Ц.Бямбазаяа нэгдүгээр тойрогт хийлж хоёрдугаар тойрогт энэтхэгийн бөх Винеш Винештэй таарч 0:8 онооны харьцаагаар дийлдэж хүрэл медалийн төлөө казахстаны бөх, азийн 3 удаагийн аварга Татьяна Аманжолтой өрсөлдөж 2:5 онооны харьцаагаар ялагджээ. 

МЧБХ. Д.Өлгийсайхан