Нийтийн дууны ертөнцөд “Хайр” дууны клипээрээ цахиур “хагалан” гарч ирсэн залуу дуучин Т.Үүрийнтуяа нэгэн ярилцлагадаа ийнхүү онцлон хэлжээ. Тэрбээр өнгөрсөн жил  гаргасан “Хайр” дууныхаа клипэн дээр бүтэн нүцгэлж, хөх өгзгөө дэндүү эрээ цээргүй харуулсан тул үзэгч сонсогчдоос хатуухан шүүмж сонсоод авсан билээ. Эротик гэхэд ч хэцүүхэн байдалтай харагдах түүний хачин аяг, тачаангуй гэж хэлэхэд бэрх торон өмсгөл зэргийг нь эс тооцвол дуучин бүсгүй зүгээр л нүцгэн биеэрээ эрчүүдийн анхаарлыг татах гэсэн мэт гарсныг олон хүн хэлдэг.

Олны дургүйцэл, цахим ертөнцийн онигоо зэргээс болоод дуучин Т.Үүрийнтуяа энэхүү клипээ тэр дор нь гаргахаа больсон бөгөөд усанд хаясан чулуу шиг нам гүмхэн алга болсон юм. Харин тэрбээр нэгэн ярилцлагадаа “Би найз залуутай, гэхдээ одоогоор гэр бүлийн амьдрал зохиох талаар ярьсан юм алга. Харин тэр “Хайр” дууны клипэнд нүцгэлсэн хүүхэн бол би биш. Надтай адилхан болохоор нь үзэгчид тэгж андуурсан юм байгаа биз” хэмээн хээвнэг хэлж суужээ.

Тэрбээр өдгөө нийтийн дууны зарим уран бүтээлчидтэй хамтран ажиллаж буй бөгөөд дахин нүцгэлэх талаар ярих нь битгий хэл, бодож ч зүрхэлдэггүй гэсэн шүү.