Ерөнхий сайд Ч.Сайханбилэгийг огцруулах тогтоолын төсөл дээр гишүүд гарын үсэг зурж буй. Одоогоор 17 гишүүний гарын үсэг зурагдчихаад байгаа аж. УИХ-ын гишүүн Б.Бат-Эрдэнэ, Ц.Даваасүрэн, Х.Болорчулуун, Г.Уянга, С.Ганбаатар, О.Баасанхүү гээд Засгийн газрын унагаах сонирхолтой гишүүд бий.

Ерөнхий сайдыг огцруулах тогтоолын төсөлд 19 гишүүн гарын үсэг зурснаар УИХ-д өргөн мэдүүлж болно. Н.Алтанхуягийн Засгийн газар огцорч, Ч.Сайханбилэгийн Засгийн газар байгуулагдаад удаагүй. Түүнийг Оюутолгойн далд уурхайн бүтээн байгуулалтын төлөвлөгөөг үзэглэснийг ийн гишүүд шүүмжилж огцруулах асуудлыг ярьж эхлээд байгаа юм.