УИХ-ын гишүүн Х.Баттулгыг жинхэнэ эр хүн гэж тодорхойлох хүмүүс бий. Түүнийг төрд хэрэгтэй хүн хэмээн дэмжигчид, сонгогчид сонгосон нь үнэн. Хээгүй, элдэв зангүй, ард түмний хайртай төрийн түшээ Х.Баттулгын хувьд сурсан боловсролоос илүү амьдралын арга ухааныг хослуулан практик дээр эзэмшсэн боловсролоороо бусдаас ялгардаг гэдэг. 

Түүний хувьд зураач мэргэжилтэй, дунд боловсролтой, Дэлхий аварга, Гавьяат тамирчин, ерээд оны дундуур гахай үүрч зөөж явсан алтан үеийн бизнесмэн, жүдо бөхийн холбоонд асар их хувь нэмрээ оруулсан, хоёр ч яам толгойлж явсан гээд гаргасан амжилт, гавьяа бас алдар гуншин нь дуусахгүй ээ. 

Харин энэ эрхэм дээд боловсролын дипломгүй цорын ганц улс төрч гэж хэлүүлэхээсээ огт ичдэггүй гэнэ шүү. Тэрбээр “Дипломгүй нь үнэн юм чинь. Худлаа хэлбэл баригдана шүү дээ. Тэгээд ч миний хувьд намтраа худлаа бичнэ гэдэг тэнэг зүйл. Би лав үүнийг хүлээн зөвшөөрөхгүй” хэмээн ярьжээ.

Эх сурвалж www.wikimon.mn