Тохилог орон сууцанд орох гэж газраа чөлөөлсөн иргэдийн ихэнх нь түрээсийн байранд амьдарч байна
Гэр хорооллын дахин төлөвлөлтийн ажлыг өнгөрсөн 2013 оноос эхлүүлсэн билээ. Нийслэлийн иргэдийн төлөөлөгчдийн хурлын тогтоолоор Гэр хорооллын дахин төлөвлөлтийн төсөл хэрэгжүүлэх 24 байршлыг баталсан бөгөөд Улаанбаатар хотын найман дүүрэг, 37 хорооны 1506.1 га талбайн 16 мянга 109 нэгж талбар буюу нийслэлийн гэр хорооллын нийт нутаг дэвсгэрийн 14 хувь, хүн амын есөн хувь нь дахин төлөвлөлтийн төсөлд хамрагдаж байна. Гэр хорооллын дахин төлөвлөлтийн 24 байршил 75 хэсэгчилсэн талбайгаас 21 байршлын 57 хэсэгчилсэн талбайд 39 аж ахуйн нэгж төсөл хэрэгжүүлэгчээр шалгаран барилгын ажлаа эхлүүлсэн. Гэхдээ дээрх төсөл хэрэгжүүлэгчдийн шалгарсан цаг хугацаа, төсөл хэрэгжих талбайн онцлог зэргээс хамааран төслийн ажлын явц харилцан адилгүй байна гэж нийслэлийн Гэр хороолол, дахин төлөвлөлтийн газраас мэдэгдсэн. Иргэд орон сууцанд орох гэж газраа чөлөөлсөн хэдий ч орон сууцлах ажил удааршсан хэвээрээ байна. Тохилог орон сууцанд орох гэж газраа чөлөөлсөн иргэдийн ихэнх нь түрээсийн байранд амьдарч байна.
Төслийг хэрэгжүүлж байгаа зарим компаниудын санхүүжилт байхгүй учраас барилгын ажил зогсчээ
Энэ онд нийслэлийн төсвийн хөрөнгө оруулалтаар 40.3 тэрбум төгрөгийн төсөв батлагдсан бөгөөд энэ онд шинээр 14 байршилд инженерийн шугам сүлжээний зураг төсөл, есөн байршилд автозамын зураг төслийн ажлыг гүйцэтгэсэн байгаа аж. Төслийг хэрэгжүүлж байгаа зарим компаниудын санхүүжилт байхгүй учраас барилгын ажил зогссон байгаа аж. Энэ байдлаас хархад нийслэлийн иргэдийн хурал гэр хорооллын дахин төлөвлөлт хийнэ гэсэн нэрийн дор зүгээр иргэдийг хохироож байна . Ингэж иргэдийн амьдрал хүнд учруулж байхаар НИХТ- чид өөрсдийнхөө гадаад дотоодод тансаглаж байгаа мөнгөөрөө барилгын ажил нь зогссон байгаа компаниудад санхүүжилт хийж, түрээсийн байранд амьдарч байгаа иргэдийг орон сууцанд оруулах хэрэгтэй байна. Сонгинохайрхан дүүргийн нэгдүгэр хороо иргэн Л. Лхагважав “Гэр хорооллын дахин төлөвлөлийн ажил хийж байгаа нь сайн хэдий ч ажил явахгүй байна. Газраа чөлөөлёөн иргэд түрээсийн байранд хэдэн сар жилэр байж байна. Цаг хугацаанд ажлаа хийж чадахгүй байсан бол ингэж иргэдэд хүндрэл учруулах хэрэггүй шүү дээ. Үнэхээр орон сууцлах гээд байгаа бол цаг хугацаа алдахгүй хийх хэрэгтэй байна лээ” Харин иргэн н.Долгор энэ их дэмий ажил. Хэдэн барилгын компани төрөөс мөнгө идэж чанаргүй барилга барьж байна. Ер нь нэг үгээр хэлхэд иргэдийн газрыг хямд үнээр авч иргэдийг чанаргүй орон сууцанд оруулж байна шүү дээ. Энэ жил сонгууль болох сургаар хэдэн барилга ашиглалтанд орж магадгүй” гэв. Газраа чөлөөлсөн иргэд нэг иймэрхүү хүлээлтийн байдалтай байна.
Г.Ган
