Цас, бороо холилдон орж, хvйтний эрч чангарсан єчигдєр єглєє нийслэлийн ихэнх иргэн ажил, хичээлээсээ хоцорлоо.
Зєвхєн явган нь ч бус автомашинтай нь хvртэл тvгжирч, нийтийн тээвэр хvлээж явсан зарим иргэн хєлсний унаа, таксинд гараа єргєн замын хажууд, дэрчийтлээ даарч, тогтсон шалбаагаар будуулан зогссон. Хєєрхий нийслэлчvvдийг огтхон ч мэдээгvй байхад нь нєгєє нийтийн тээврийн vйлчилгээ vзvvлдэг компаниуд нь дахиад л ажил хаялт зарлан, зогсолт хийсчихсэн нь энэ. Ёстой л “Даварсаар даварсаар Давгын орон дээр” гэгчээр аливаа асуудал бvрт ухаалгаар шийдвэр гаргаж, ярилцах бус чаддаг зvйлээрээ хааж, боон иргэдийг боомилсоор арай хэтэрч байна гэдгийг хvн бvр хэлэх боллоо. Уг нь нийслэлийн нийтийн тээвэрт том оврын нийт 1000 орчим автобус иргэдэд vйлчлэх ёстой.
Гэтэл єчигдєр єглєєний байдлаар “Зорчигч тээврийн нэтгэл” ОНЄААТVГ-ын автобусууд болон “Аз сервис”, “Эрдэм транс”, “Мяралзаа” компаниудын 430 тээврийн хэрэгслэл vйлчилгээнд гарсан аж.
Vндсэндээ автобуснуудын тал хувь нь л ажилдаа гарсан гэсэн vг.
Тvрvvч нь 1-р нvvрт
Тиймээс л єглєє ажил, хичээл, албандаа яарсан иргэдийн ачаалал нэмэгдсэн байна. Чаддаг зvйлээрээ ийнхvv хааж, боон иргэдэд тєвєг учруулж эрх ашгаа хамгаалж буй энэхvv vйлдлээс харахад хувийн хэвшлийн нийтийн тээврийн vйлчилгээ vзvvлэгч аж ахуйн нэгжийнхэн нийгмийн ємнє хариуцлага хvлээдэг гэдгээ огт мэддэггvй бололтой. Vнэндээ нийтийн тээврийнхэн ажил хаях сургаар хvн бvр шогширч, урд єдєр нь тєлєвлєгєє боловсруулан адаглаад эрт босох vvргийг єєртєє тавьдаг. Гэтэл энэ удаа нийтийн тээврийнхэн гэнэт л зогсолт хийчихлээ. Тєрийн ємчит компаниудынх нь жолооч, кондукторууд цалин нэм гээд суучихна. Єнгєрсєн хавар л гэхэд цалингаа нэмvvлнэ, даргаа солиулна гэж шахсаар байгаад нэг хvслээ биелvvлж, санаагаа амраасан. Хувийн хэвшлийнхэн нь болохоор элдэв татаас, мєнгєє єг гээд шалчихна. Тэгсэн хэрнээ єєрсдєє бол ухамсар гэдэг зvйлээ умартан єєгvй мэт аашилдаг болж.
Єчигдєр єглєє ажил хаяж, зогссон нєхєд техник, сэлбэг хэрэгслэл худалдан авах, ажилчдынхаа цалин хєлсийг єгєх боломжгvй, дампуурахад ойрхон байна гэдэг тайлбарыг єгчээ. Тэдний хувьд энэ бол цэвэр сvрдvvлэг гэж хэлж болохоор харагдсан. Харин шєнє орсон цас, бороогоор тэд халхавч хийн техник, хэрэгсэл муу, замын нєхцєл хvнд учраас зогсолт хийсэн гэж тайлбарлаж байгаа. Vнэн хэрэгтээ цаг агаарын нєхцєл байдал ийн муудна гэдгийг албаныхан урьдчилан мэдэгдчихээд байхад автобус компанийнхан гэнэт ажил хаясан нь санаатай vйлдэл гэхээс аргагvй.
Нийслэлийн Тээврийн газраас єчигдєр vдийн алдад єнєєдрийн дотор асуудлыг шуурхай шийдвэрлэж vйлчилгээг хэвийн горимд оруулахаар ажиллаж байна гэдгээ илэрхийлсэн тєдийгvй орой иргэдийн унааны хvлээлт харьцангуй багассан. Хамгийн сонирхолтой нь ажил хаягсад “Улаанбаатар смарт карт” компанийн удирдлагуудтай ч уулзсан байдаг. Энэ нь цаад утгаараа смарт картны мєнгє нийтийн тээврийн компаниудад очихгvй байгаагаас vvдэлтэй болохыг нь харуулж буй юм. Тэгэхээр ухаалаг системтэй болгох гэсэн нь нийтийн тээврийн vйл ажиллагааг улам бvр дордуулж, хувийн хэвшлийнхэний халаасыг тvнтийлгэх арга болгон хувиргасан болох нь харагдаж байна. Ашиг харж, аалзны тор мэт сvлжилдсэн автобус компаниуд болон vйлчилгээг нь хянах учиртай байгууллагуудын уялдаа холбоогvй єчигдрийн байдал удаан vргэлжлэлгvй оройхон хэрд цэгцэрсэн. Єєрєєр хэлбэл харилцагч талууд тохиролцоонд хvрсэн гэсэн vг.
Харин хахир євлийн ємнєхєн хатуухан “сануулга” авсан иргэд л хохироод vлдлээ. Тэд хєдєлмєр эрхэлдэг бол тухайн байгууллагынхаа дотоод журмын дагуу хоцорсны торгууль хvлээнэ, хичээлдээ яарсан оюутан, сурагчид хvйтэн єглєє унаа олдоогvй гэдэг шалтаг тоочиж чадахгvй эхний хичээлээ завсарлахыг хvлээн хэсэг хугацаанд гадаа зогсоно, хичээл тасалсны тєлбєр тєлнє. Энэ мэтчилэн эдийн засгийн хохирол амсана. Тvvгээр зогсохгvй хvйтэн єглєє ханиад, томуунаас гадна, дороосоо даарч элдэв vрэвсэлтэй болж євчлєх магадлал нь ч нэмэгдэнэ. Эдгээрийн хохирлыг хэн барагдуулах вэ?
Єчигдрийн явдал дахин давтагдахгvй гэх баталгааг хэн гаргаж, иргэд буруу тогтолцооны уршигаар цалингаа хасуулж, євчин тусахгvй байна гэдэг магадлал хэдэн хувьтай байх вэ гэдэг нь ч таавар хэвээр vлдлээ. Харин ажлаа хаясан автобусныхан тодорхой хугацаанд мєнгєє авна гэсэн тохиролцоотойгоор vйл ажиллагаагаа эхлvvлсэн нь тодорхой боллоо.
Эдийн засгийн тогтолцоо ярьж мєнгє нэхэж байгаа бол эхлээд ардчилсан зарчимд хэмжээлшгvй эрх чєлєєтэй хэн нэгэн гэж байдаггvй. Хэн нэгний эрх ашиг нєгєєгийнхєєрєє хязгаарлагддаг гэдгийг санах хэрэгтэй баймаар. Тvvгээр ч зогсохгvй vйлчилгээ vзvvлэх эрх авахын тулд уйлахын наахнуур байж, жvжиглэчихээд, маршрутад явахаараа бєєн гомдол, бухимдал vvсгэдэг дэндvv даварсан хувийн хэвшлийн нийтийн тээврийн компаниуддаа холбогдох байгууллагууд нь нэг сайн шанаа єгєхгvй бол нэг л єглєє нийслэл даяараа дахин явгарч мэдэх нь.
Эх сурвалж:
