УИХ-ын чуулганы танхимд гишүүн С.Ганбаатар, Ерөнхий сайд Ч.Сайханбилэг нарын дунд бяцхан маргаан өрнөв. Энэ үеэр 

С.Ганбаатар Ерөнхий сайдыг Оюу-Толгой ХК-н ТУЗ-өөс цалин авч, мөнгөөр санхүүждэг гэсэн бол үүнийг Ч.Сайханбилэг Ерөнхий сайд няцааж, баримт тавихыг шаардлаа. Мөн Ч.Сайханбилэг "УИХ-ын гишүүн С.Ганбаатарыг Англид сургууль дүүргэсэн гэж CV дээрээ бичсэн боловч үнэн хэрэгтээ ямар мэргэжлээр хэзээ сургууль төгссөнийг баримт байхгүй. Хэрэв би буруу хэлсэн бол та төгссөн сургуулийнхаа диплом, үнэмлэхийг үзүүл. Хэрэв үзүүлбэл би энэ үгнээсээ уучлалт гуйна" гэсэн юм.

Харин энэ мэтгэлцээн өрнөөд нэлээд удсан боловч С.Ганбаатар гишүүн Ерөнхий сайд Ч.Сайханбилэгийн хариуд төгссөн сургуулийнхаа талаар ямар нэгэн мэдээллийг хэвлэлээр болон нийгмийн сүлжээн дэх өөрийн Фэйсбүүк хуудастаа байрлуулсангүй. Үүнээс үзэхэд УИХ-ын гишүүн С.Ганбаатар сургууль төгссөн эсэх нь эргэлзээтэй болж байна.

Bolod.mn