Улсын хэмжээнд нийгмийн даатгалын санд өр авлага үүссэний улмаас дансаа хаалгасан 3000 гаруй байгууллага байгаа аж.

 Эдгээр байгууллагууд нь хуульд заасан хугацаандаа буюу хоёр сараас дээш хугацаанд тайлан тооцоогоо өгөөгүй аж.Улмаар улсын байцаагчид хуулийн дагуу арга хэмжээ авсан нь энэ аж.

Үүнээс гадна татварын өртэй 5438  ААН  мөн дансаа  хаалгажээ. Тухайлбал  оны эхний есөн сарын байдлаар татварын өртэй 3854 байгууллага, тайлан тооцооны өртэй 1584  татвар төлөгч байгаа юм. Эдгээр ААН-ээс улсын төсөвт 223.6 тэрбум төгрөгийг улсын төсөвт төвлөрүүлэх ёстой аж.

Албаны хүмүүсийн хэлж буйгаар нийгмийн даатгалын санд орлого бүрдүүлж байж тэтгэвэр, тэтгэмж тавьдаг учир орлогоо бүрдүүлэхийн тулд  хуулийн дагуу ийм арга хэмжээ авдаг  хэмээн тайлбарлаж байна.