Гэр бүлийн амьдрал гэдэг эрхээ хоёр дахин хасч, үүргээ хоёр дахин нэмэхийг хэлнэ гэсэн үг бий. Хайртай хүнтэйгээ гэр бүлийн амьдрал зохиохоос эхлээд бидний амьдралд томоохон өөрчлөлт гарч эхэлдэг. Тэгвэл хүүхэдтэй болсны дараа бидний амьдрал бүхэлдээ өөрчлөгддөг гэдэгтээ аав, ээжүүд санал нийлэх биз ээ.
Нэгэн залуухан ээж фэйсбүүк хуудаснаа “Бүтэн чихэр идэж, угаалгын өрөөнд ганцаараа орж, сэрүүлэггүйгээр сэрж, орон дээр тааваараа унтахыг” хүсдэг тухайгаа хошигноод хэдий тийм ч бяцхан үрийнхээ төлөө энэ бүхнээс татгалзахад хэзээд бэлэн гэжээ.
Харин зохиолч Х.Болор-Эрдэнэ “Жимсийг яагаад үргэлж ганц хоёрхон хазаж орхиод байдгийг, гутлууд яагаад дандаа ширээн дээр гарчихаад байдгийг, түлхүүр яг хэрэгтэй үедээ санаанд оромгүй газар нуугдчихдагийг, яагаад 00-ын ус руу үргэлж гараа хийдгийг, аягалаад өгсөн компотонд яагаад үргэлж цуйвангаа, гурилтай шөлөө хутгаж иддэгийг, 00-ын цаасыг яагаад дандаа зориулалтын бус аргаар хөвүүлж тоглодгийг, яагаад ээжийгээ өндийхөд зэрэгцэж сэрээд байдгийг, яагаад чих дөжрөм чангаар хашгирдгийг, нүүрээ усаар угаалгах дургүй хэрнээ яагаад дандаа идэх юмаараа угаадгийг, шүдийг нь угаахад хазаж хайраад байдаг хэрнээ яагаад сойзыг нь үргэлж үмхэж явдгийг хүүгээсээ асуудаг.
Харамсалтай нь миний мэдлэгээс хэтийдсэн маш өндөр төвшний хэлээр, хэт философтой хариултууд өгдөг тул ээжийнх нь IQ хүрдэггүй юм. Магадгүй тэдний ирсэн гарагт бүх зүйл ийм л байдаг байх” хэмээн бичжээ.
Танай гэр бүлд ирсэн бяцхан “зочин” ч гэсэн ийм үйл ойлгогдом атлаа, аз жаргал бялхуулсан үйлдлээрээ амьдралыг тань өөрчилсөн болов уу.
Б.Саруул, eagle.mn
