Бидний сайн мэдэх “Бишрэлт холдинг” хүнд үед нь аминд нь орж ажилчдынхаа цалинг хувийнхаа хадгаламжаас гаргаж шинэ жилийн баярын төлбөрийг нь бас л хувийнхаа мөнгөнөөс хийж байсан экс гүйцэтгэх захирлаа гомдоожээ. Г.Ц нь "Бишрэлт холдинг" компаний гүйцэтгэх захирлаар 2010-2013 оны гартал ажиллажээ. Дээрхи хугацаанд өөрийн мэдлэг чадвар, нөөц бололцоог бүрэн дайчилан олон тооны ажлыг цаг харгалзалгүй гүйцэтгэн ажиллаж байсны зэрэгцээ үндсэн ажлаас гадна "Бишрэлт групп"-ийн харьяа "Бишрэлт" ХХК /зочид буудал, ресторан/, "Бишрэлт косметикс энд Фэйшн" ХХК /гоо сайхан болон брэнд хувцас, брэнд барааны дэлгүүрийн сүлжээ/ зэрэг компаниудын гүйцэтгэх удирдлагын үүргийг давхар гүйцэтгэж иржээ. Тэр үед "Бишрэлт холдинг"-д санхүүжилт байхгүйгээс цалин тасалдах, олгогдохгүй байх зэрэг асуудал гардаг байсан тул бүрдүүлсэн баг, ажиллагсад нь ажлаа хаяж явчих гээд айлгадаг байжээ. Ажлын багаа алдахгүйн тулд хувийн хадгаламжаас 11,4 сая төгрөгийг гарган цалинд тавьж олгосон гэнэ. Мөн нэг удаад шинэ жилийн арга хэмжээний төлбөрийг бас л хувиасаа гаргажээ. Өдгөө түүнд компанийн санхүүгийн программаас хэвлэн авч байсан, тамга, тэмдэггүй харилцагчийн өглөгийн дэлгэрэнгүй гүйлгээний хуудаснаас өөр баримт үлдээгүйн дээр "Бишрэлт холдинг" нь зохих санхүүгийн баримтыг гаргаж өгөхгүй байгаа аж. Харин ч гүйцэтгэх захирлын албан тушаалд ажиллаж байх хугацаандаа алдаа дутагдал гарган компанид онц их хэмжээний хохирол учруулсан хэмээн цагдаад өгсөн байдалтай байна. Гэсэн ч компаний ажилтан Т.Б нь "...2011 оны 12-р сарын 16-нд ХХБ-ны тэнд зогсож байгаад өөрийнхөө данснаас 9,5 сая төгрөгийг гаргаж өгсөн, тэр мөнгийг би тоолж аваад Захиргаа удирдлагын газрын захиралд аваачиж өгсөн...Цогнэмэх захирал өгөөрэй гэсэн гэж хэлээд өгсөн...” гэж баталжээ. Тэр дарга ч "...12-р сард болсон шинэ жилийн арга хэмжээний зардлын мөнгийг гүйцтэгэх захирал хувиасаа гаргасан...байгууллагын шинэ жилийн комиссыг би өөрөө хариуцан ажиллаж байсан. Төсөв батлагдсан ч мөнгө орж ирэхгүй байсан... зохион байгуулагч нар мөнгөө нэхсэн...Би мөнгийг аваад гэрээ хийсэн газар руу буюу “Гайс-666" гэдэг хамтлагийн Мягмар гэдэг хүнд өгсөн, тэгээд баримтаа авч ирээд санхүүд өгсөн. Мягмар нь манай шинэ жилийг зохион байгуулж байсан..." гэх зэргээр гэрчилжээ. "Хөгжлийн гарах гарц" ТББ-ын тэргүүн М.Мягмар ч үүнийг баталж тодорхойлолт хийж өгчээ. Ийнхүү хэдийгээр "Бишрэлт холдинг" үгүйсгэсэн ч тухайн үед ажиллаж байсан ажилтнуудын мэдүүлгээр гүйцэтгэх захирал нь санхүүжилт байхгүй хүнд үед нь ажилтнуудынхаа цалин, шинэ жилийн баярыг хувиасаа мөнгө гарган шийдэж байсан нь батлагджээ. Ядарч явахад нь тусалсан хүний ачийг дараа нь умартах нь муухай хэрэг. Энэ бизнесд төдийгүй улстөрд ч чухал шалгуур хэмжүүр болдог. "Бишрэлт холдинг"-ийн Б.Ундармаа энэ удаагийн сонгуульд нэр дэвшиж магадгүй эмэгтэйчүүдийн нэгд тооцогддог. Хэрвээ нэр дэвшээд бүр сонгуульд ялаад гараад ирсний дараа сонгогчиддоо ингэж хандах вий гэх айдас одооноос төрж байна.
NUUTS.mn
