Улаанбаатар хотын ЗЦГ-ын Жижүүр шуурхай удирдлагын хөдөлгөөний төв/ЖШУХТ/-д өнөөдрийн байдлаар 319 дуудлага мэдээ мэдээлэл  хүлээн авснаас зам тээврийн ослын  243  дуудлага бүртгэгджээ. 

 

Согтуугаар тээврийн хэрэгсэл жолоодсон 33 жолоочийг журамласнаар болзошгүй осол хэргээс урьдчилан сэргийлж чадсан байна.

 

Согтуугаар машин жолоодож хөдөлгөөнд оролцох зөрчил багасахгүй байна. Сүхбаатар дүүргийн нутаг дэвсгэр Энхтайваны өргөн чөлөө “Blue sky” зочид буудлын хойд замд Нийслэлийн зорчигч тээврийн нэгтгэл Орон нутгийн өмчит аж ахуйн тооцоот үйлдвэрийн газар /ОНӨААТҮГ/-ын "Daewoo BS-106" маркийн автобусны жолооч А нь явган зорчигч 52 настай эмэгтэй  Б-г мөргөж гэмтээжээ.

 

Мөн нэг ноцтой осол гарсан байна. Тус дүүргийн нутаг Үндэсний соёл амралтын хүрээлэнгийн баруун уулзварт "Т.Prius" маркийн авто машины жолооч  болгоомжгүйгээсээ болж "T.Vitz" болон " Landcruiser-200" маркийн хоёр машинтай зэрэг мөргөлдсөнөөс бага насны хүүхдүүд хүндээр гэмтэж, ГССҮТ-д хүргэгджээ.