Их урлаг, уран бүтээлийн төлөө гэзэг үсээ хяргаж хаясан хүн гэвэл ахмадаас МУГЖ У.Уранчимэг залуугаас А.Ганчимэг. "Хэцүү анги" киноны хэвлүүхэн охины дүрд тоглосноор рейтинг нь огцом өссөн тэрбээр Л.Балхжавын хүүгээс зөвхөн өөрт нь зориулсан киноны дүрүүд хүлээн авч л явлаа. Харин одоо бол ганц бие ээж. УДЭТ-ын өндөр босгыг их сургуулиа төгсүүт шууд алхах завшаан ховорхон ч тэрбээр У.Уранчимэг, Д.Ганцэцэг эгч нарыгаа даган "Хувьсал"-ын нэг хэсэг болсон.

Бараг л өөрийнх нь брэнд дүрийн илэрхийлэл болж байсан урт гэзгээ тайрч хаясан нь "Атганд үлдсэн эрдэнэ" киноны төлөөх эр зоригтой үйлдэл байв. Бүсгүй энэ дүрээрээ Mongolian Academy Awards наадамд "Шилдэг эмэгтэй гол дүр" номинацид өрсөлдөх нь.

Сонирхуулахад залуу жүжигчин бүсгүй багадаа циркийн акробатын дугуйланд явж, гурван жил уран нугаралтаар хичээллэж байж. Юм юманд элдэвтэй залуу бүсгүй морийг ч эр хүнээс дутахгүй чадмаг унахыг үзэгчид харсан. Багадаа онц сурлагтан байсан, амьдралынхаа турш ганц л эр хүнтэй дотноссоноо олны нүднээс нуугаагүй нь охиных нь аав. "Зэрлэг цэцэгсийн хүлэмж" дээр дурлалцдаг хоёр амьдрал дээр сэтгэлийн жолоогоо барьж дийлээгүй ч богино настай дурлал байж. Үеийнхнээсээ хол тасарчихсан амбицтай бүсгүйг ирэх сарын 3-нд болох наадам дээр шагнал гардах эсэхийг фэнүүд нь тэсэн ядан хүлээж байна. Үсээ хусаж, өөрийгөө эвдээд эвдээд эмэгтэй гол дүрийн шагналыг авч чадахгүй байх вий гэх айдас ч заримд нь байна гэнэ шүү.

Э.Эгдэрмаа