Уг наадмыг "Монголын Үндэсний Кино Урлагийн Академи"-аас жил бүр зохион байгуулдаг билээ. Тус академи нь одоогоос найман жилийн өмнө Монгол улсад кино урлагийг хөгжүүлэх, Монгол киног дэлхийн түвшинд хүргэж, Кино урлагийн салбарт ажиллаж буй залуу уран бүтээлчдийг дэмжих, дэлгэцийн бүтээлээр дамжуулан үндэсний соёл, түүхийг олон нийтэд таниулах, соён гэгээрүүлэх зорилготойгоор байгуулагдсан юм.

"Академийн дээд Шагнал"-ыг 2011 онд зохион байгуулагдаж шилдэг бүтээлээр "Зөрлөг" УСК шалгарч байсан бол 2012 онд "Бодлын хулгайч", 2013 онд "Аравт" УСК, 2014 онд "Үргээлэг", 2015 онд "Аав" УСК тус тус "Академи авардс"-ын шилдэг кино бүтээлээр шалгарч байв.

Тэгвэл энэ жилийн шилдгүүдээ нэрлэж, шагналыг нь гардуулахад хоёрхон хоног үлдлээ. Энэ жилийн наадамд "Атганд үлдсэн эрдэнэ", Ахлах сургууль", "Босуул", Замбуулан дуусах болоогүй", "Элэг нэгтэн", "Зангараг", "Зургаа дахь хүсэл", "Lovers", "Муу нүүрт", Нэг өдрийн дайсан", "Өнөр бүл өнөө үед", "Өртөө", "Содура", "Тайга", "Тоглож болохгүй нас", "Төмөр нар", "Тэр жилийн тэр өдөр", "Үргээлэг-2", "Эр хүн болгож өгөөч" зэрэг бүтээлүүд өрсөлдөж байгаа юм.

Монголын киноны шилдгүүдийг дараах номинациар шалгаруулна

1. Шилдэг кино Best Picture
2. Шилдэг эрэгтэй дүр Leading role actor
3. Шилдэг туслах эрэгтэй дүр Supporting role actor
4. Шилдэг эмэгтэй дүр Leading role actress
5. Шилдэг туслах эмэгтэй дүр Supporting role actress
6. Шилдэг найруулагч Directing
7. Шилдэг зураглаач Cinematography
8. Шилдэг зураач Art direction
9. Шилдэг хөгжим Music original score
10. Шилдэг дуу Music original song
11. Шилдэг монтаж Film Editing
12. Шилдэг дууны найруулагч Sound Editing
13. Шилдэг зохиол Writing screenplay
14. Шилдэг дүрсний эффект Visual effects
15. Шилдэг нүүр будалт Make-up and hairstyle
16. Шилдэг баримтат кино Documentary (feature)
17. Шилдэг хөрөнгө оруулагч Best investor гэсэн төрлүүдээр шилгүүдийг тодруулах юм.