2016 оны 06 дугаар сарын 02-ны  өдөр  Улаанбаатар хотын Замын цагдаагийн газрын ЖШУХ дээр  нийт 325 дуудлага мэдээ мэдээлэл  хүлээн авснаас зам тээврийн ослын  229  дуудлага бүртгэгдсэн байна.  Үүнээс гэмт хэргийн шинжтэй гомдол мэдээлэл  10 бүртгэгдэж 13 хүн хүнд хөнгөн гэмтсэн. Хүүхэд зам тээврийн осолд өртсөн  үүнээс сургуулийн өмнөх насны 0, сургуулийн насны 5, Согтууруулах ундааны зүйл хэрэглэсэн үедээ хөдөлгөөнд оролцсон жолооч 1, явган зорчигч 1.  Согтуугаар тээврийн хэрэгсэл жолоодсон 83 жолоочийг журамлан гарч болзошгүй осол хэргээс урьдчилан сэргийлсэн.

Тухайлбал: СБД-ийн нутаг Их тойруу 77-р байрны 2 орцны зүүн замд T.Prius  маркийн авто машины жолооч Б нь явган зорчигч 10 настай эрэгтэй Б-г мөргөж гэмтээсэн.

СХД-ийн нутаг Нефтийн зам, Авто тээврийн 5-р баазын уулзварт N.Vannete  маркийн авто машины жолооч Н нь Тэнүүн дэлгэр ХХК-ны Daewoo BS-106 маркийн Н жолоочтой автобустай мөргөлдөж зорчигч 16 настай эрэгтэй Б нарын 3 хүн гэмтсэн.

Маргааш буюу 2016 оны 06 дугаар сарын 04-ний өдөр "Улаанбаатар Марафон- 2016" олон улсын гүйлт  Их эзэн Чингис хааны нэрэмжит талбайд болно. Энэ өдрийг "Автомашингүй өдөр" болгож, автомашины хөдөлгөөнийг хязгаарласан зам талбайд спортын талбай байгуулж олон нийтийг хамарсан уралдаан тэмцээн, соёл, урлгийн арга хэмжээ, худалдаа үйлчилгээ зохион байгуулах  бөгөөд томоохон зах худалдааны төвүүд амарна.  Бага тойруу, Энхтайваны өргөн чөлөөний  Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Самбуугийн гудамжны автозамын хөдөлгөөнийг 08:00-18:00 цагийн хооронд түр хязгаарлах тул иргэд та бүхэн нэг өдрийг авто машинаас татгалзан эрүүл мэнддээ анхааран гэр бүлээрээ идэвхитэй оролцохыг уриалж байна. Авто радио 96.3- аар замын нөхцөл байдал, цаг үеийн  мэдээ мэдээллийг иргэд олон нийтэд хүргэж ажиллана.  Мөн эдгээр гудамж, замаар үйлчилгээ үзүүлдэг нийтийн тээврийн 31 чиглэлийн 311 тээврийн хэрэгслийн чиглэл, замналд  өөрчлөлт орно. Хотын төвийн буюу Их тойруу доторх гол гудамж, замууд хаагдах үед нийтийн зорчигч тээврийн үйлчилгээний чиглэлүүд хойгуураа Их тойруугийн гудамж, урдуур Нарны зам, Намъяанжугийн гудамжаар явах бөгөөд  хойноос урагш болон урдаас хойш явдаг босоо чиглэлүүд Баруун 4 зам, Нарны гүүр, Зүүн 4 замаар  үйлчилнэ.

Цагдаагийн алба хаагчийн тавьсан хууль ёсны албан шаардлагыг биелүүлэн бие биендээ хүндэтгэлтэй хандан замын хөдөлгөөнд оролцоорой.

Д.Дуулим