Нийтийн дууны гүнжээр нэгэн үе өргөмжлөгдөөд байсан Т.Баясгалан УИХ-ын гишүүн асан Д.Батбаяртай гэр бүл зохиож хэсэг хугацаанд уран бүтээлээсээ завсарлага аваад байсан билээ. Харин тэрбээр өнгөрсөн хавар С.Жавхлантай хамтран "Илгээлтийн эзэн" аяныг санаачлан хэрэгжүүлж, хамтарсан тоглолтоо хийсэн юм.

Тэгвэл Т.Баясгалан энэ удаад шинэ хамтрагчаараа дэлхийд данслагдсан дуурийн дуучин МУГЖ Г.Ариунбаатарыг сонгожээ. Тэд саявтархан Цагдаагийн түүхт 95 жилийн ойд зориулж  "Төрийн цагдаа" дууг шинэчилсэн найруулгаар дуулж, дүрсжүүлээд байгаа аж.