Монгол попыг дэлгэрүүлж цагаан эсгий дээр ёслол үйлдсээр ёс төртэй гэгч нь Төрийн соёрхолт алдрыг хүртсэн хүн бол "Камертон"-ы Д.Болд. Хамтлаг нь ч хит, өөрөө ч хит байсан тэрбээр рекламанд уригдах, тасарчихсан клип хийх, кинонд тоглох гээд завгүй хөтөлбөртэй амьдардаг. Ардчилсан намын нүүрэн дээр алдрын оргилд хүрч цэмбийж суусан түүнийг энэ намын фанат л гэж ойлгосон. Эби Ерөнхийлөгчтэй нэг эгнээнд суугаад байхаар тэгэхээс ч яахав. Харин энэ сонгуулиар тэрбээр МАН-ын ухуулганд явж байгаа харагдана. Дуулаагүй зүгээр л хамт селфидсэн маягтай зургууд нь цацагдаж байна билээ. Төрийн соёрхолт маань нам бус байсан гэж өмөөрөх хэсэг байхад урвачихлаа гэж гайхаж цөхөх улс ч бий гэнэ шүү. Улс төрчид хүртэл урваж шарвадаг байхад Монголын улсын дуучин хүн цагийн аясыг дагах л байх. Ер нь үүнийг бид ч гэсэн улс төрчдөөс сайн сурч авсан даа.

Э.Эгдэрмаа