Хөлбөмбөгийн фанатууд цэнгэлдэх хүрээлэнгийн дотор ч, гадар ч зодолдоно гэдэг бол оросуудын хувьд энгийн байдаг л үзэгдэл аж. Европийн хөлбөмбөгийн аварга шалгаруулах тоглолтын эхний тэмцээн Орос, Английн багийн тоглолтын дараа үймээн самуун дэгдсэн. Францын Марсель хотод дэгдсэн энэ үймээн самуун Оросын танхайрал буюу хулиганизмыг дэлхийн тавцанд гаргаж, таниулсан хэрэг боллоо хэмээн спорт сонирхогчид дүгнэжээ. Зарим нь талаас ОХУ-ыг санаатайгаар танхайчуудыг гадагш нь экспортолж байна гэж буруутгаж эхэллээ.
ОХУ-ын Хөлбөмбөгийн холбооноос Марсельд болсн зодоонд харамсаж буйгаа илэрхийлсэн бол Спортын яамны тэргүүн нь уучлалт гуйж, улс орны нэрийг гутаасан явдал боллоо гэж мэдэгджээ. Тэгтэл, бусад албаныхан нь зодоон үүсгэгчдийг жинхэнэ "Мужык" хэмээн магтан сайшаасан байна. Хөлбөмбөг сонирхогч жирийн иргэд нь хүртэл тэрхүү зодоонд улам хөөрч жишим ч хийлгүй бахархалтайгаар ам уралдан сайрхаж байгаа сурагтай.
Моксвагийн хөлбөмбөгийн ЦСКА багийн үнэнч шүтэн бишрэгч Алексей гэгч энэ удаагийн явдал хэн нь жинхэнэ танхайрагчийг харууллаа. Оросын хөгжөөн дэмжигчид үүнийг англичуудаас өөрсдөөс нь сурсан юм шүү дээ хэмээн ярьжээ. Тэрбээр цааш нь ярихдаа 70-80-аад онд бүгд л Английн өмнө бөхийдөг байсан. Одоо тайнхаарал ч тэр, цаг ч тэр бүгд өөр болсон шүү гэв.
Марселийн зодоон дэлхийн хэвлэл мэдээллийн байгууллагуудаар зогсохгүй онлайн ертөнцөд шуугиан дэгдээж байгаа юм. Твиттер цахим хуудас #Marseilleisours гэх тренд бий болоод байна. Ингэхдээ үүнийг оросын танхайчуудыг магтахад голдуу ашиглаж буй аж.
Английн хөгжөөн дэмжигчид ч эл хэрэгт оролцсон хүмүүс жирийн үзэгчид биш мэргэжлийн танхайчууд байсан. Тэд залуу, том биетэйн дээр цоо эрүүл хэр нь согтууруулах ундаа хэрэглэсэн англичуудаас ч галзуу байсан талаар ярьж байна.
Орчин цагийн хүмүүс архи дарснаас илүүтэйгээр спортод их анхаардаг болсон учраас Оросоос очсон үзэгчид бокс гэх мэт төрөл бүрийн бие хамгаалах урлагаар хичээллэдэг хүмүүс байсан талаар сэтгүүлч Андрей Малосолов нэгэн нийтлэлдээ бичсэн байна. Харин англичуудын хувьд уух юманд илүү дуртай болсон учраас тоглолтын дундуур хөлчүүрхэж, өрсөлдөгч багийнхаа хөгжөөн дэмжигчдийг өдөж, хоргойсон байх гэх тайлбарыг ч өгчээ.
Олон улсын үзүүлэлтийг харахад Оросоос гадна Польшийн хөлбөмбөг сонирхогчид танхай балмадаараа толгой цохидог аж. Нэгэн цагт балмадаараа алдартай байсан Английн хөгжөөн дэмжигчид өнөө цагт жагсаалтын хойгуур сүүл мушгих болсон гэнэ.
С.Дамдин
