УИХ-ын сонгуулийн 57-р тойрог, Яармагийн 4, 5, 6, 7, 8-р хорооноос бие даан нэр дэвшигч Тогмидын Доржханд иргэд сонгогчидтой уулзалт хийлээ. Яармагийг жишиг хороолол, Хан-Уулыг жишиг дүүрэг болгохын төлөөх сэтгэл зүрх шингэсэн уулзалтын талаарх мэдээллийг одоо хүргэе.

Тэрээр төрийн санхүүч мэргэжилтэй, эдийн засгаар мэргэшсэн Вашингтонд төвтэй Олон улсын валютын сан буюу дэлхийн эдийн засгийн бодлогыг тодорхойлогч байгууллагын, гүйцэтгэх захирлын зөвлөх хэмээх удирдах албан тушаалд ажилласан анхны монгол хүн юм. Түүний бие даан нэр дэвшиж байгаа Яармагийн дэнж бол хотын бусад дүүрэг, хорооллуудаас газар зүйн хувьд бие даасан байдлаараа, үүссэн үүх түүхээрээ өвөрмөц хороолол юм. Энэ өвөрмөц онцлог нь Яармагийг өөрөө өөрийнхөө хэрэгцээг хангасан хүн, байгаль орчиндоо таатай, ажилгүйдлээ бүрэн шийдсэн бие даасан хөгжлийн бодлого, төлөвлөлттэй, хараат бус дэд бүтэцтэй болох боломжийг бий болгож байна. Харин тэрээр энэ бүхнийг мөрийн хөтөлбөртөө тусгаж оруулсан. Өөрөөр хэлбэл Яармагийн дэнжийг Улаанбаатар хотын хамгийн хөгжсөн бүс болгохыг эрхэм зорилгоо болгон ажиллахаа уулзалтын үеэр хэлсэн юм.

За харин уулзалтад ирсэн иргэд Монголын төрд ажиллаж, олон төсөл хөтөлбөрийг удирдаж байсан туршлагадаа тулгуурласан түүний мөрийн хөтөлбөрийг иргэдийн амьдралд ойрхон тусах, хөрсөн дээрээ бууж хэрэгжих бодит агуулгатай гэж хэлж байлаа.

Хүнийг дээдэлсэн төрийн бодлого нь хөдөлмөр эрхлэлтээр дамжин хэрэгжиж, хөгжлийн үндсийг баттай бий болгоно гэсэн үзэл санаанд тулгуурласан “Хүн-Хөдөлмөр-Хөгжил”-ийн бодлогыг шат дараалалтай хэрэгжүүлэхээ тэрээр мөн онцолсон. Үүнээс гадна Яармагийг жишиг хороолол, Хан-Уулыг жишиг дүүрэг болгох боломж бүрэн дүүрэн бийг хэлсэн юм.

Эх сурвалж: Тогмидын Доржхандын  сонгуулийн штаб