Энэ жилийн сонгууль үзэх юм ихтэй байх нь. Хуулийн хүрээнд телевизээр гарах цагаа тас цавчуулчихсан нэр дэвшигчид олон хүн цугласан л байвал юу ч хийхээс буцахаа байсан бололтой. УИХ сонгуулийн 50-р тойрогт Сангийн сайд Болортой, Ардын намын "Буурал" Ж.Энхбаяр 2 тулсан. Ардын намынхан анхандаа сайд Болорыг зөөлөн боорцог гэж үзсэн үү?, Энхбаярыг Баянзүрх рүү илгээсэн ч жинхэнэ байдал дээрээ баларж байгаа гэнэ. Сурталчилгаа эхлээд аль хэдийнээ 6 хоносон атал Ж.Энхбаярын зохион байгуулж буй цуглаан дээр нарлаж яваа хөгшчүүл, цэцэрлэг ясли нь тарсан багачуулаас өөр хүн ирэхгүй байгаагаас болж нилээн цухалдуу байгаа гэнэ. Ямар сайндаа л Сангийн сайд Болорын цуглуулсан хүмүүс дээр очиж баахан худлаа манжлахав. Интернэтэд оруулсан бичлэг дээрээс нь харвал тэнд цугласан олон урилгагүй зочинд тун тааруухан хандаж зарим нэг нь яваачээ гэж орилж байлээ. Барайсан олны дунд Ж.Энхбаяр ямартай ч нэг үзэгдээд авлаа, муу ч сайн ч энэ бол Ж.Энхбаярын хувьд ялалт боллоо. Болорын буянаар анх удаагаа олон түмний өмнө нэг удаа ч болов харагдаад авлаа. Болоо доо! Паян үүгээр дуусахгүй нь. Сонгуулиар нэр дэвшигчдийн фактыг өөрт нь зардаг шинэ мода үүссэний нэг золиос нь мань Буурал Энхбаяр болох нь ээ. Түүний холбогдож байсан бусдын газрыг луйвардсан хэрэг дахин сөхөгдөж, газраа алдсан хүмүүс Ж.Энхбаярыг жинхэнэ тамлаж байгаа гэнэ. Ямар сайндаа л сонгогчид дээр очихдоо бие хамгаалагчдыг тав зургаагаар нь чирээд явж байхав дээ.

Эх сурвалж: Tumen.mn