Непаль улсад 2015 оны дөрөвдүгээр сарын 25-ны өдөр 7.3 магнитутийн хүчтэй газар хөдлөлт болж, 215 хүн амиа алдсан харамсалтай хэрэг гарсан билээ. Уг эмгэнэлт явдлын хохирогчдын дурсгалыг мөнхжүүлэх үүднээс байгалийн гамшигт хамгийн хүндээр өртсөн Лангтанг тосгоны нэрийг Ангараг гарагийн нэгэн тогоонд өгсөн байна. Лангтанг тосгоны нэрийг авсан тогоо нь 9.8 км-ийн өргөнтэй бөгөөд тус гарагт үүссэн тогоонуудаас хамгийн томдоо орох юм гэж Олон улсын одон орон судлалын холбооны Тжаллин Де Хаас тайлбарлав.

Учир нь, доктор Де Хаасын хамтрагч Нидерландын Утрехт их сургуулийн доктор газар хөдлөлтийн үед Гималайн уулсын мөсөн голыг судлах ажлаар Непалийн Лангтанг тосгонд байрлаж байсантай холбоотой аж. Лангтанг тогоо нь ч шинжлэх ухааны талаас маш чухал обьект гэнэ. Тогооны ирмэг хэсэгт үүссэн нарийн зураас бүхий мөр нь Ангараг гараг дээр ус урсаж байсныг нотлох гол баталгаа юм байна.

С.Дамдин