Сүүлийн үед дипломат ажилтнуудтай холбоотой таагүй мэдээлэл мэр сэр гараад байгаа билээ. Өнгөрсөн онд гэхэд Эрээний Консул А.Баярсайхантай холбоотой хууль бус асуудал гарсан. Тэгвэл өчигдөр зарим нэгэн цахим мэдээллийн хэрэгслээр “Монголын дипломатчид тамхи зөөсөн үү” “Унгар Улсын Будапешт хотод суух Элчин сайдыг явсанаас хойш дипломатууд нь дураараа жиргэж дунд чөмгөөрөө жиргэж эхэлцгээжээ” гэх мэдээлэл гарсан билээ.

Тодруулбал, Украин-Румыны хилийн “Дьяково” шалган нэвтрүүлэх цэг дээр Унгарт суух элчингийн дипломат ажилтан Д асар их хэмжээний хууль бус тамхи авч яваад саатуулагдлаа. Тэрбээр ОХУ-д суух Элчин сайдын бичиг баримттай явсан гэх мэдээлэл байна. Энэ талаар Гадаад хэргийг сайд “Будапешт дахь Элчин сайдын яаманд Эдийн засгийн зөвлөхөөр ажиллаж байгаад тэтгэвэртээ гарсан Д.Дөхөмбаяр хуурамч тамга тэмдэг ашигласан байна” гэсэн тайлбарыг өгсөн бөгөөд энэ талаар өнөөдөр 13.30 цагт дэлгэрэнгүй мэдээлэл өгөх юм байна.

О.Сайхан