2016   оны 4-р сараас эхлэн Лу.Болд нь хөдөлмөр эрхлэдэггүй 20 залууд сар бүр 216,000 төгрөгийн тэтгэлэг өгч эхэлсэн.

Улмаар ХУД-ийн 5-р хорооны Засаг Дарга Б.Батзаяа нь 5-р хорооны Залуучуудын Зөвлөлийн Дарга Б.Аззаяагаар 5-р хорооноос нийт 50 залуусын нэрс гаргуулж авсан. (дүрс бичлэгт гарч байгаа) бөгөөд 2016 оны 6 дугаар сарын 19-ний 20-21 цагийн хооронд дээрх залуучуудын 30 орчмыг 5-р хорооны байранд цуглуулж 1 залуу хамгийн багадаа 3 хүнийг сонгуулийн өдөр авч ирэх үүрэг өгч, хүн бүрт 100,000 төгрөг өгсөн байна. 2016 оны 6-р сарын 20-ний 20-21 цагийн хооронд хэлбэр төдий ажил хийлгэх нэрээр (21 гудамжны хашаа будах) нэмж цуглуулсан 20 орчимд хүнд 100,000 төгрөг нууцаар өгч үг алдахгүй байхыг анхааруулан, сонгууль дууссаны дараа үлдэгдэл 100,000-ийг өгөхөөр амалсан. (бичлэг).

Мөн 5-р хорооны сонгуулийн төв штабын байранд хэсгийн ахлагч, мөлхөө ухуулагч нарт мөнгө өгсөн. (бичлэг)

Мөнгө гарт нь атгуулж байгаа Б.Батзаяа нь 5-р хорооны засаг дарга, Л.Болдын сонгуулийн ажлын хэсгийн 5-р үүрийн штабын дарга.

Б.Аззаяа нь 5-р хорооны Залуучуудын зөвлөлийн дарга, Л.Болдын гэрээт бус мөлхөө ухуулагч. Аззаяа нь өөриймсөг сэтгэлтэй, олон нийтийн төлөө ажилладаг бүсгүй гэж хүмүүс үнэлдэг юм байна. Тэрээр залуучуудыг цуглуулж үйл ажиллагаанд татан оролцуулдаг бөгөөд мөнгө өгөх, санхүүгийн асуудлыг Батзаяа нь шийддэг гэж Яармагийн АН-ын залуучууд ярьж байгаа аж.

Энэ талаар иргэн Б.Отгонзул Хан –Уул дүүргийн цагдаагийн 2-р хэлтэст гомдол гаргасан байна. Тэрээр хэвлэлийн бага хурал зарлаж түүгээрээ дамжуулан Монголын нийт залуучуудад хандаж уриалга гаргасан байна. Уриалгадаа “Луйврын сонгууль Луйврын Төр Засгийг л бий болгоно. Бидэнд үүнийг өөрчлөх боломж байна, тиймээс Залуучуудаа ирээдүйгээ, саналаа битгий худалдаарай”  гэсэн байна.