"Хүннү айр" компанитай холбоотой гомдол ганц нэгээр зогсохгүй нь бололтой. Орон нутагт нислэг үйлддэг болсоноос нь хойш янз бүрийн гомдол санал ирэх болсон уг компанитай холбоотой бас нэгэн гомдлыг үйлчлүүлэгч нь хэлж байна.

Тодруулбал Увс аймаг руу нислэг үйлдсэн үйлчлүүлэгчийнхээ ачаа тээшийг өгөхөө мартаж Ховдруу нислэг үйлдсэн байна. Зорчигчийн хувьд ачаа тээшээ авах гэтэл цаг гаруйн дараа "Таны тээшийг Ховдруу аваад явчихсан байна. Удахгүй газрын тээвэрт өгөөд явуулна" гэх хариултыг өгчээ.

Ийм хариуцлагагүй компаниас болж тухайн иргэн ихэд гомдолтой байгаа аж. УИХ-ын гишүүн Ч.Хүрэлбаатар "Хүннү эйр" компанид санал тавьж, Увс-Улаанбаатар-Увс чиглэлд нислэг үйлдэхээр болсон. Гэвч компанийн ажилчдын хариуцлагагүй байдлаас болж иргэн ачаа тээшээ авч чадахгүй, хэзээ хүргэгдэж ирэх нь ч тодорхойгүй нөхцөл байдалд ороод байгаа аж.

Д.Дуулим