Баянгол дүүргийн эрүүгийн хэргийн анхан шатны  шүүхээс  нэр дэвшигч З.Энхболдын сонгуулийн штабт ажиллаж байсан  АН-ын ухуулагч С.Батцэцэгтэй холбоотой гомдлыг хэлэлцэж, Сонгуулийн хууль зөрчсөнийг тогтоожээ. Гомдол гаргагч Баянгол дүүргийн МАН-аас  нэр дэвшигч З.Энхболдын сонгуулийн штабаас  Сонгуулийн тухай хуулийн 77 дугаар зүйлийг зөрчиж,  Баянгол дүүргийн 19 дүгээр хорооны 53, 54 орон сууцны хана, хаалган дээр зурагт хуудсаа наасан. Зурагт хуудас, ухуулах хуудсыг гудамж талбайд наахдаа цавуу, цавуулаг эд зүйлс  ашиглаж, орчныг бохирдуулж болохгүй гэсэн хуулийн заалтыг зөрчсөн  хэмээжээ.  Тэгвэл Баянгол дүүргийн шүүхээс АН-ын ухуулагч С.Батцэцэгийг хөдөлмөрийн хөлсний хэмжээг 6 дахин нэмэгдүүлсэнтэй тэнцэх хэмжээний мөнгө буюу 1.152.000 төгрөгөөр торгох шийдвэр гаргажээ.  Шүүхийн энэхүү мөнгөн торгуулийг хуульд зааснаар 15 хоногийн дотор төлж барагдуулах учиртай ажээ.