Шийдвэр гаргах түвшин дэх эмэгтэйчүүдийн оролцоог нэмэгдүүлэх талаар сүүлийн жилүүдэд чамгүй ярьсан. Тэгвэл 30 хоногийн дотор шинээр бүрэлдэх ёстой парламент хамгийн олон эмэгтэй гишүүдтэй гэдгээ ялгарах нь ээ. Эрх үүргээ удахгүй шилжүүлэх энэ парламент 11 эмэгтэй гишүүнтэй бол шинэ парламент 13 эмэгтэй гишүүнтэйгээр үйл ажиллагаа явуулахаар болж байна. За харин 13 эмэгтэй гишүүний 12 нь МАН-ынх, 1 нь АН-аас сонгогдлоо. Дашрамд өгүүлэхэд, АН-аас УИХ-д сонгогдон ажилласан М.Батчимэгийн тухайд хууль тогтоох дээд байгууллагад ажиллах ёстой хүн ч, энэ удаагийн сонгуулиар  гарч чадсангүй нь харамсалтай хэрэг боллоо гэж харагсад бас цөөнгүй байгаа юм.

Эх сурвалж: Б.Тамир, Шуурхай.мн