Өнгөрсөн долоо хоногт Samsung АНУ-ын Сан Франциско хотод арга хэмжээ зохион байгуулж олон шинэ бүтээгдэхүүнийг танилцуулсан билээ. Үүнд 4 төрлийн Galaxy S10, эвхэгддэг Galaxy F, Galaxy Buds чихэвч, Galaxy Fit, Galaxy Watch Active ухаалаг бугуйн цаг зэрэг бүтээгдэхүүнүүд багтсан юм. Эдгээр бүтээгдэхүүнүүдийг цувралаар танилцуулж байна.
199 ам.доллар буюу өнөөдрийн ханшаар 524 мянган төгрөгийн үнэтэй Galaxy Watch Active ухаалаг бугуйн цаг дэлгэцийнхээ гадуур ямар нэг хүрээгүй тул ашиглахад тун хялбар. Оосор нь ч гэсэн хүний биед аль болох тааламжтай байх материалаар хийгдсэн бөгөөд шинээр худалдан авахад хоёр оосор дагалдуулж өгөх тул оосорын урт таарахгүй байх асуудал үүсэхгүй.
Samsung-ын утас бүрт байдаг Samsung Health хэмжигч апптай уг цагийг холбосноор илүү олон төрлийн мэдээллийг харах боломжтой. Цагны ард байрлах мэдрэгчийн тусламжтайгаар хэрэглэгчийг стресстсэн эсэхийг ялгаж мэддэг бөгөөд хэрэв стресстэй байна гэж үзвэл амьсгалын дасгал санал болгодог байна. Мэдээж Samsung Health аппаар дамжуулан төрөл бүрийн дасгалыг сурах боломжтой.
Хэрэв уг цагийг bluetooth холболт асаалттайгаар ашиглавал 4 хоног, bluetooth холболтгүй ашиглавал 7 хоног цэнэгээ барих гэнэ. Мэдээж Galaxy Buds-ын адилаар уг цагийг гар утасныхаа ард байрлуулаад цэнэглэх боломжтой.
Galaxy Watch Active-ыг хэрэглэж буй бичлэг
Эх сурвалж: Digital Trends
