Сүүлийн үед иргэд олон нийтийн зүгээс төрийн өмчит болон төрийн өмчийн оролцоотой банкуудын захирлууд хувьдаа Банк бус санхүүгийн байгууллагатай байх нь хэр зохистой вэ хэмээн асуух болсон. Өөрөөр хэлбэл, тэд татвар төлөгчдийн мөнгийг банк бус руугаа хийж мөнгө хүүлж байгаа юу гэсэн хардлага буй юм. Уг нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд төрийн албан хаагч, өндөр албан тушаалтнууд ямар үйл ажиллагаа эрхлэхийг хориглох вэ гэдгийг тодорхой зааж өгсөн байдаг. Өөрөөр хэлбэл, ижил хэмжээний бизнес эрхэлж буй хүнд төрийн алба хаалттай байна гэсэн үг.

Тэгвэл татвар төлөгчдийн мөнгөн дээр сандайлан сууж буй төрийн өмчийн оролцоотой Төрийн банкны захирлууд хувийнхаа банк бус санхүүгийн байгууллагыг ажиллуулах нь зүйд нийцэхгүй л болов уу. Ямартай ч бид энэ удаад ББСБ-тай Төрийн банкны захирлуудыг онцлож байна. Тухайлбал, Монгол Улсын Бүртгэлийн Ерөнхий Газрын албан ёсны мэдээлэлд манай улсад нийт 595 Банк Бус Санхүүгийн Байгууллага бүртгэлтэй бөгөөд үүнээс 82 нь хөрөнгө орлогоо мэдүүлдэг байдаг байна. Энэхүү 82 ББСБ дотор өмнөх болон өнөөгийн УИХ, Засгийн газрын гишүүд, агентлагийн дарга нар гээд төрийн өндөр албан тушаалтнуудынх байгаа бөгөөд эдгээрээс төрийн өмчийн оролцоотой Төрийн банкны доорх нэр бүхий захирлуудаас одоо нэг нь л тус банкинд ажиллаж буй тухайг тус газрын эх сурвалж хэлсэн юм. Тэгэхээр ажлаас гарсан гэгдэх гурван захирал тус банкинд ажиллаж байхдаа ББСБ-тай байсан гэдгийг дурдах нь зүйтэй болов уу.

1.Төрийн банкны орлогч захирал Н.Батгэрэлийн “Гэрэлфинанс” ББСБ

2.Төрийн банкны газрын захирал Х.Эрдэнэбилэгийн “Бүрэнтөгрөг” ББСБ

3. Төрийн банкны орлогч захирал Д.Бямбасүрэнгийн “ТА финанс" ББСБ

4. Төрийн банкны дэд захирал Л.Жамбасүрэн “Трасткапитал” 
ББСБ-тай холбоотой гэдгийг хөрөнгө орлогын мэдүүлэгээс нь харж болно.

Юутай ч төрийн өмчит оролцоотой банкинд ажиллаж байгаа ажиллаж баысан гэх  эдгээр эрхмүүдийн байгуулсан Банк бус нь иргэдийн хэрэгцээнд дөрөөлж, асар их хэмжээний ашиг олдог байгууллага гэдгийг хүн бүхэн мэднэ. Угтаа бол ББСБ ашгийн хойноос хэтэрхий их хөөцөлдөж маш өндөр хүү тулгадаг. Өөрөөр хэлбэл, тэд зээл өгөхдөө “хөрөнгийн чинь 50 хувьтай тэнцэх зээл өгье. Чи надад 10 хувийг нь өг. Би чамайг ер судлахгүй” гэдэг. Ийм л аргаар тэд мөнгө олж банк бусынхаа хөрөнгийг зузаатгаж байна. Тухайлбал, СЗХ-оос Банк бусынханыг “нэг өдрийн зээл” нэрээр мөнгө хүүлэх эрхгүй хэмээн анхааруулж байсан удаатай.

Яг үнэндээ зах, худалдааны төвүүдэд лангууны наймаа эрхэлж байгаа хүмүүс Банк бус санхүүгийн байгууллага болон хувь хүмүүсээс өндөр хүүтэй зээл авч хохирох нь ихэссэн. Мөнгө хүүлэлт гэж нэрлэгдэх энэ сүлжээнд тэд Банк бус санхүүгийн байгууллагуудыг хардаж байгаа юм. Манай улсад мөнгө хүүлэлтэд тавих хяналт, хариуцлага тооцох хууль, эрх зүйн орчин одоогоор байхгүй учраас төрийн мөнгөний бодлогыг хэрэгжүүлэхэд гар бие оролцож, мэдээллийн эх үүсвэр дээр суусан энэ эрхмүүд өөрсдөө ББСБ байгуулж ашиг олж буй нь хуульд хэр нийцэх бол….

Үргэлжлэл бий…