Монгол түмэндээ зориулав.


Шуурхай мэдээ

"Магнай трейд" ХХК-ийг 20 сая төгрөгөөр торгожээ

Нийтэлсэн: Монгол Хүү | Нийгэм
2020 12 сар 03 ・ 159

Шударга өрсөлдөөн хэрэглэгчийн төлөө газар (ШӨХТГ)-аас “Good price” сүлжээ дэлгүүрт 20 сая төгрөгийн торгууль ногдуулжээ. 

Тус дэлгүүр нь “Хүчит шонхор” захад 7800 төгрөгөөр худалдаалж буй махыг 16000 төгрөгөөр зарж байсан тул уг арга хэмжээг авсан байна.

Мөн “Магнай трэйд” компани зохиомол хомсдол үүсгэсэн гэсэн үндэслэлээр 20 сая төгрөгөөр торгуулсан байна. Тус газраас хөл хорио тогтоосон өдөр (2020.11.11)-өөс хойш өнөөдрийг хүртэл зөрчил гаргасан аж ахуйн нэгжүүдэд нийт 137 сая төгрөгийн торгууль ногдуулжээ.

Бүх нийтийн бэлэн байдлын зэрэгт шилжсэн эл өдрүүдэд иргэдээс үнийн хөөрөгдөлтэй холбоотой гомдол, мэдээлэл тасрахгүй байгааг холбогдох албаны хүмүүс мэдээлж буй юм. ШӨХТГ-т бүртгэгдсэн нийт мэдээллийн 50-60 хувийг үнийн хөөрөгдөлтэй холбоотой асуудал эзэлж байгаа аж.

Тус газарт өнгөрсөн хугацаанд нийт 4518 гомдол бүртгэгдсэн байна. Тиймээс ШӨХТГ-аас иргэдэд И баримт ашиглан гомдол мэдүүлэх боломж бүрдүүлжээ.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй