Монгол түмэндээ зориулав.


Шуурхай мэдээ

Я.Содбаатар: Шинэ голомт үүсч, нөхцөл байдал хүндэрвэл илүү хатуу арга хэмжээ авахаас өөр аргагүй болно

Нийтэлсэн: Монгол Хүү | Нийгэм
2021 01 сар 06 ・ 110

Монгол Улсын Засгийн газар энэ сарын 4-нд буюу өнгөрсөн даваа гаригт хуралдаж, хатуу хөл хориог тав хоногоор буюу энэ сарын 11-н хүртэл сунгахаар болсон. Улмаар ирэх даваа гаригаас бэлэн байдалд шилжүүлсэн зэрэглэлийг бууруулж, өндөржүүлсэн бэлэн байдалд шилжүүлэхээр төлөвлөж байна гэсэн юм.

Гэхдээ энэ долоо хоногт халдварын шинэ голомт дахин үүсч, КОВИД-19-ийн тархалт нэмэгдэх нөхцөл байдал үүсвэл илүү хатуу арга хэмжээ авахаас өөр аргагүй болно гэдгээ УОК-ын дарга, Шадар сайд Я.Содбаатар мэдээлсэн байдаг. Тодруулбал, Тэрбээр энэ сарын 4-нд хийсэн хурлын үеэрээ "Хөл хорионы асуудал бидний санал санаачилга, тооцоо судалгаагаар явахгүй байна. Нөхцөл байдал асар хурдан өөрчлөгдөж байна. Хөл хориог сулруулсны дараа нөхцөл байдал хүндрэх, шинэ голомт үүсэх, эрүүл мэндийн салбарт улам хүндрэл үүсэхийг үгүйсгэх аргагүй. Хэрвээ ийм байдал үүсвэл хатуу хөл хорионы байдалд эргэж шилжих болно. Бүх улс орон КОВИД-19-ийн тархалтыг ерөөсөө хатуу хөл хорионы зарчмаар зогсоож байна" гэсэн юм. 

Тэгвэл "Ачтан" эмнэлэгт шинэ голомт үүсээд байна. Тодруулбал, тус эмнэлгийнхэн энэ сарын 4-нөөс үйл ажиллагаагаа эхлүүлэхээр ажилчдынхаа дунд шинжилгээ хийхэд 9 эмч, ажилтнаас халдвар илрээд байгаа юм. Тэгэхээр УОК-ын дарга Я.Содбаатарын хэлсэнчлэн шинэ голомт үүссэн тул хатуу хөл хорионы дэглэмийг дахин сунгах бололтой. 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй