Холливудын жүжигчин Эван МакГрегорийн Монголоос үрчилж авсан Жамьян охин 19 нас хүрчээ. Тэрээр 2006 онд охиныг 4 настай байхад нь үрчилж авсан юм.

Дээрх зураг нь бидний сайн мэдэхээр “Том загас” киноны гол дүр, Америкийн алдарт жүжигчин Эван МакГрегорийн "Doctor Sleep" киноны олон улсын  нээлтийн улаан хивсний ёслолын үеэр охин Жамьянтайгаа хүрэлцэн ирсэн үеийн зураг юм.

Тэрбээр Еве Мавракис гэх бүсгүйтэй танилцаж гэр бүл болсон ч  удалгүй салсан бөгөөд өдгөө дөрвөн охины эцэг эх билээ. Мөн алдарт жүжигчин маань баруун гар дээрээ өөрийн хайрт эхнэрийнхээ болон охидынхоо нэрийг шивүүлсэн байдаг ажээ. Эван МакГрегор хүүхдийн төлөөх үйл ажиллагаанд идэвхтэй оролцдог нэгэн бөгөөд “UNICEF”-ийн сайн үйлсийн аянд ч мөн хувь нэмрээ оруулдаг байна.