SBS телевизийн бүтээл "Пентхаус” олон ангит драмын үзэгчдийн рейтинг хурдацтай өссөөр байна. Хоёрдугаар бүлгийн зургадугаар ангийн үзэгчдийн хувь 26.9 байсан нь тавдугаар ангиасаа 2.5 хувиар өссөн үзүүлэлт аж. Нэгдүгээр бүлгийн сүүлчийн  ангийн үзэгчдийн рейтинг хамгийн өндөр буюу 28.8 хувьтай байжээ. Кинонд "Хера Палас" хэмээх тансаг барилгад амьдарч буй баян гэр бүлүүдийн тухай гардаг.

  Киноны зохиолч бол "Эхнэрийн урхи" (2008-2009), "Сүүлчийн хатан хаан" (2018) зэрэг киногоор олон танигдман Ким Сун Ок юм. Тэрбээр шударга ёс, ухамсрыг хойш нь тавьж өөрсдийн ашиг сонирхлыг эрхэмлэдэг хүмүүсийн хязгааргүй шунал, хүслийг тод томруунаар харуулахын  тулд Ким "Пентхаус" –ыг  үзэглэсэн талаараа нэгэн ярилцлагадаа онцолжээ. Хоёрдугаар улирлын сүүлчийн анги энэ сарын 27-нд цацагдах бол  гуравдугаар бүлэг ирэх тавдугаар сараас олны хүртээл болох юм байна.