Энэ мэдээ хуучирсан буюу 2021/05/21-нд нийтлэгдсэн мэдээ болно.

Сонгинохайрхан дүүрэгт хийгдэж буй тохижилт, бүтээн байгуулалтууд

Б.ТАМИР

Сонгинохайрхан дүүрэгт сүүлийн жилүүдэд бүтээн байгуулалт, тохижилтын ажлууд эрчимтэй хийгдэж байна. Тэгвэл тус дүүрэгт хийгдэж буй зарим ажлуудаас хүргье.

31 ХОРООНД ЛЕП ГЭРЭЛТҮҮЛЭГ ХИЙНЭ

Сонгинохайрхан дүүргийн гэр хороолол бүхий 31 хороонд зам талбайн 6800 ширхэг иж бүрэн гэрэлтүүлэг угсрах ажил эхэлсэн байна. Зам талбайн гэрэлтүүлэг угсралтын ажлын төлөвлөгөөний дагуу 7, 9, 23, 31, 40 дүгээр хороодоос энэ сарын 19-нөөс эхэлжээ.

Бүгд найрамдах Австри улсын хөнгөлөлттэй зээлээр "Дэд бүтцийн хөгжил Сонгинохайрхан" төслийн хүрээнд хийгдэж буй бүрэн гэрэлтүүлгийн угсралтын бэлтгэл ажлыг 2018 оноос хойш хангасан бөгөөд энэ оны арваннэгдүгээр сар гэхэд 31 хороонд 6800 ширхэг орчин үеийн шөнийн тусгал сайтай лед гэрлийг угсарч, хүлээлгэн өгөх юм байна.

Сонгинохайрхан дүүргийн хувьд нийтийн эзэмшлийн гудамж, зам талбай, хороодод нийт 13300 ширхэг гэрэлтүүлэг байдаг. Эдгээр гэрэлтүүлэг дээр дахин 6800 ширхэг гэрэлтүүлэг нэмэгдсэнээр Сонгинохайрхан дүүргийн 80 хувь бүрэн гэрэлтүүлэгтэй болох юм. Ингэснээр шөнийн цагт орчны аюулгүй байдлыг хангаж, гэмт хэрэг зөрчлөөс урьдчилан сэргийлж, өрх бүрийн гудамж гэрэлтэй байх аюулгүй орчин нөхцөл бүрдэж байгаа аж.

СОЁЛЫН ОРДОНЫ БҮТЭЭН БАЙГУУЛАЛТ 80 ХУВЬТАЙ ЯВЖ БАЙНА

СХД-ийн засаг дарга Н.Алтаншагай “15 тэрбум төгрөгийн төсвөөр 850 хүний суудалтай Соёлын ордон барина. Дотроо 300 хүний суудалтай кино театр байгуулах нөөц боломжтой. Иргэдэд зориулсан соёл амралтын төсөв байгуулахаар 2019 онд төсөв батлагдсан. Одоогийн байдлаар бүтээн байгуулалтын ажил 80 гаруй хувьтай явж байна. Соёлын ордонг тойрон Сонгинохайрхан дүүргийн хөгжлийн бэрхшээлтэй иргэдэд зориулсан бүтээн байгуулалт өрнөнө” гэдгийг хэллээ.

ХӨРСНИЙ УС ИХЭЭР ГАРЧ, ҮЕРТ АВТАХ ЭРСДЭЛТЭЙ ХОРООДЫН АСУУДЛЫГ ШИЙДВЭРЛЭНЭ

СХД-ийн хэмжээнд хөрсний болон булгийн ус гарч буй хороодод үерийн хамгаалалтын барилга байгууламж шинээр барих шаардлагатай байршлын судалгаа, төсвийн тооцоо гаргахаар Хотын инженерийн байгууламжийн хэлтэс, Геодези, усны барилга, байгууламжийн газар болон бусад ажлын хэсгийнхэнтэй хамт 40-р хороонд ажиллажээ.

НҮБ-ын Хабитат төслийн хүрээнд 40-р хорооны хоёр байршилд үерийн далан барьсан. Одоо тус хороонд нэмэлтээр нэг үерийн далан барих тендер зарлагдаад байна. Ингэснээр тус хороодын нутаг дэвсгэрт байрладаг айл өрхүүдийг үерийн ус, халиа дошин, хөрсний усанд автахаас бүрэн сэргийлэх боломжтой болох юм байна. Ажлын хэсгийнхэн жил бүр нийтийн эзэмшлийн зам талбай, гудамж их хэмжээний усанд автдаг 2, 9, 24, 26, 35, 40, 41-р хороодод ус зайлуулах шугам, далангийн барилга байгууламж барих зураг төслийн ажлыг батлуулахаар тогтож, үе шаттай арга хэмжээг авахаар болжээ.

ГАЗАР ЧӨЛӨӨЛӨЛТ ДУУСЧ, БҮТЭЭН БАЙГУУЛАЛТЫН ЗУРАГ ТӨСЛИЙГ БОЛОВСРУУЛЖЭЭ

Сонгинохайрхан дүүргийн 17 дугаар хороо өнөр хорооллын гудамж дагуу зөвшөөрөлгүй олон жил болсон гарааш, чингэлэг, контейнеруудыг чөлөөлөх ажил бүрэн дуусчээ. Чөлөөлсөн талбайн үүсмэл хог хаягдлыг цэвэрлэж, шугам сүлжээний засвар үйлчилгээний ажил эхэлжээ.

Чөлөөлсөн талбайг ногоон байгууламж бүхий явган хүний зам, гүйлтийн талбай болгон тохижуулах төлөвлөгөө гаргасан байна. Тус талбайд зөвшөөрөлгүй олон жил болсон 132 ширхэг гарааш, контейнерыг буулгаснаар нийтийн эдэлбэрийн 0.9 га газар чөлөөлөгдөж, бүтээн байгуулалт өрнөхөд бэлэн болсон. Газар чөлөөлөлтийн ажил цааш үргэжлэн Өнөр бүсийн нэгдүгээр хорооллын зам дагуух “Саппоро” хүртэлх байрлуулсан зөвшөөрөлгүй гарааш, контейнерыг буулгаж 2.8 kм хүртэлх зам, талбайг чөлөөлөх юм байна.

Түмэн.мн

Азийн топ модел О.Ариунзул Harper's Bazaar сэтгүүлийг чимлээ
Азийн топ модел О.Ариунзул Harper's Bazaar сэтгүүлийг чимлээ
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2021/05/21-нд нийтлэгдсэн мэдээ болно.