Л.Оюун-Эрдэнэ:Наадмаар хоёр тун вакцинд хамрагдсан гадаадын иргэдийг хүлээж авна

Монгол Улсын Ерөнхий сайд Л.Оюун-Эрдэнэ “Чингис хаан” олон улсын нисэх буудал, “Богдхан” төмөр замын ажлын явцтай танилцлаа. "Чингис хаан" олон улсын нисэх буудлыг ирэх сарын 4-ний өдөр нээхээр ажиллаж байгаа юм.

Энэ үеэр Ерөнхий сайд Л.Оюун-Эрдэнэ “Үндэсний их баяр наадмын үеэр гаднаас ирэх жуулчдыг хүлээж авах нөхцөл боломжийг хангаж өгөх хэрэгтэй байна. Коронавирусын эсрэг хоёр тун вакцинд хамрагдсан гадаадын иргэдийг хүлээж авъя. Шаардлагатай бол манай улсад ирээд вакцинд хамрагдаад, тусгаарлагдаж болно гэж байгаа юм. Тиймээс долоодугаар сарын 4-н гэдэг хугацааг олон улсад зарлах хэрэгтэй” гэв.

ИНЕГ-ын даргын тушаалаар 34 хүний бүрэлдэхүүнтэй Шуурхай удирдлагын төв ажиллаж "Буянт-Ухаа" нисэх буудлыг "Чингис хаан" нисэх буудал руу нүүлгэх ажлыг хариуцах юм байна. Шинэ нисэх буудал долоодугаар сарын 4-нд нээлтээ хийгээд тухайн өдрийн 11:40 цагт Улаанаабаатар-Токио-Улаанаабаатар чиглэлийн нислэг хийхээр төлөвлөжээ. Мөн уг нислэгтэй зөрүүлээд Франкфурт-Улаанбаатар чиглэлийн нислэгийг хүлээн авахаар бэлтгэл хангаж буйгаа танилцууллаа. Харин долоодугаар сарын 4-нөөс өмнө "Буят-Ухаа" олон улсын нисэх буудалд байгаа агаарын хөлгүүдийг шинэ нисэх буудал руу нисгэж, байрлуулах аж.

⇐ Ц.Ганзориг: Жирэмсэн эхчүүдийг сайн дурын үндсэн дээр вакцинд хамруулна
Ж.Цолмон: Ковид-19 цар тахлын эсрэг хүчээ нэгтгэе ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!