БНСУ-ын Сөүл хотноо зохион байгуулагдсан "World Dance Grand Prix" олон улсын бүжгийн тэмцээнд Түмэн эх чуулгын бүжигчид оролцож, "National dance" буюу үндэсний бүжгийн төрөлд бүжигчин СТА Н.Номин-Эрдэнэ нь Т.Содгэрэл-ийн дэглэлт "Ай даа сайхан" бүжгээр мөнгөн медаль, "Creation dance" буюу тайзны бүжгийн төрөлд бүжигчин Б.Номундарь нь Т.Содгэрэл-ийн дэглэлт "Говь өөрөө" болон "Сэтгэлд эгшиглэсэн нутаг" бүжгээр оролцож хүрэл медаль хүртжээ. Түүнчлэн тус тэмцээнд Үндэсний Урлагийн Их Театрын гоцлол бүжигчин МУСТА М. Бямбаа эх орноо төлөөлөн оролцсон юм. Тэрбээр О.Чинбатын хөгжим, УГЗ Д.Баярбаатарын дэглэлт "Цагаан буга" бүтээлээр оролцож Гран-При шагнал хүртсэн байна.